Malaysia, Kuantan ah Motorcycle tawh apailai khat singhiang kiasuk in dengkha in si

Malaysia, Kuantan ah Motorcycle tawh apailai khat singhiang kiasuk in dengkha in si

Malaysia, Kuantan ah singkung ahiangkhat kiasuk in Motorcycle tawh atai laitak khat denglum citciat cih NST pan kiza hi. Zanni Wednesday nitaklam in Kuantan Port geinai ah thupiang hi a, adenlupkhak Motorcyclist pen pasal hi in, kum 54 aphakhin khat ahihi.

Pahang Fire and Rescue Department public relations officer Anuar Hassan in agenkhiatna ah nitaklam 5:30pm hunpawl in thupiang hi a, asipa pen Ab Aziz Jusoh cih minnei khat cihi.

Singkung hiangin adenkhak pen Modenas Kriss Motorcycle khatleh Perodua Viva mawtaw khat hi a, Motorcycle tuangpa pen atungah adalsawnding omlo ahih manin adengkumkha ahihi.

Mawtaw sungahzong mi 2 atuangkhawm uh hi a, tuate pan bangmah liamna omlo in suaktathei uhhi.

Singhiang pen gol mahmah in khuhcipsukgawp mang a, Fire & Rescue te’n singhiang teng akiahkhiat khit uhciang in Motorcyclist pen Tengku Ampuan Afzan Hospital ah puakpah uhhi. Ahi zongin asawtlo in sipah hi.

Related: Malaysia te galvanleng khat kia in Pilot 2 si, vanleng akiatna mun kimuzo nailo

Tua tuahsiat hunlaitak pen guahtamlua in huihzong hatmahmah ahih manin, hihbang in atuahsia hiding kici hi. Sawltak #zomidaily