Singapore nupakopkhat apasal in avan laih ahih manin akiteenna kiphiatsak
Singapore gamsung ah numei khatleh pasal khat abeisa 2015 kumin kiteeng uhhi. Ahi zongin apasalpa pen pasal panin numei ah avan laihsak cimawk hi. Avan alaihsak khitciang in National Identity Card tungahzong Gender pen numei ci’n laihsak cihi.
Tuabangin avan alaihsak “Sex change” khitciangin numei leh numei akiteeng uh suakmawk a, tuapen Singapore thukhuntawh kituaklo ahih manin, akiteenna uhpen ki phiatsak “Void” hi cih AFP te’n genkhia hi.
Singapore gamsung ah nupa innkuan te’n kumpi tungpan in kumpi neihsak Government-built Apartment te atawmmanzaw in leithei uhhi. Ahi zongin tuabangin leitheih nadingin nupa taktak ahihna Marriage Certificate lahkul hi.
Tua Marriage Certificate pen Singapore’s Registry of Marriages (ROM) panbek in ki piakhia a, tuabangin ROM pan apiaktheih nadingin akiteeng tepen numei leh pasal akiteeng ahih kultektek hi.
Hihte nupa in Government Apartment aleisawm uhciangin ahihna taktak kumpi thunei te tungah genkhiatkul a, National Identity Card tungahzong apasal pen “Female” kici vevamawk ahih manin lamdang kisa hi.
Kumpi thunei te’n Statement akhahkhiatna ah Singapore gamsung ah kiteenna cihpen akiteen laitak in numei leh pasal ahih kultektek a, tuamah bangin akiteenna sungah numei leh pasal mah ahihsuak uh phamawh hi ci’n genkhia hi.
Singapore gamsung ah numei leh numei, pasal leh pasal neihkibang kiteentheih nadingin alunggulh mahmah pawlkhat omkhin himahleh Singapore Prime Minister Lee Hsien Loong in phallo hi. Same-sex Marriage pen Singapore gamsung ah zatding Ready nailo hi ci’n genkhia hi.
Tuabek thamlo Singapore gampen abeisa British Colonial Rule hunlaipek ii Legislation azangsuak hi a, pasal leh pasal omkhoppen mawhna lianpi “Criminal Act” khatin akituat ahihi. Ahi zonginn tulamlam ciangin tua thukhun pen ki khauhzat luanawnlo “Enforce” cihi.
Related: Same Sex Marriage tawh kisai thupulaakna
Taiwan gamsung ah abeisa May khasung in neihkibang Same-sex Marriage kiphalta cimawk a, Asia gamsung ah Same-sex Union aphal masapen gam ahihi. Asia gamsung ahzong nitumna lamte gamtat hoihlo teng hongki lawhsemsemta hi. Sawltak #zomidaily
Comment piaknop aomleh...