Singapore inndawl 7 panin innteeng nasemkhat kiasuk in liamgawp
Singapore gamsung ah innteeng nasem “Domestic Worker” khat inndawl 7 Storey panin kiasuk in nakliam mahmah cih Shin Min Daily pan kiza hi. Zanni Tuesday (October 03) ni in Tampines Condominium ah thupiang ahihi.
Tua innteeng nasemnu pen Carissa Park Condominium sungah nasem hi a, tawlet “Windows” teng siansuah in aom laitak akiasuk ahihi.
Ageinai panin amukha te’n agenna ah tua Domestic Worker pen Indonesia gammi hiding ci uh a, Windows asiansuahna panin akiatsuk ciangin avengte ii Terrace leilakah tusuk cimawk hi.
Singapore Civil Defence Force te’n amanlang in cinapuakna Ambulance sapsak uh a, 12:05pm hunpawl in Flora Drive ah Ambulance tungthei hi.
Tua numeinu pen kum 20 gualpawl hipan a, amanlang in Changi General Hospital ah kipuak hi.
Related: Singapore ah numeikhat aguaktang dekin lamlam ahih manin kiman
Innteekte ii genkhiatna ah hih innteeng nasemnu pen nasep akipatzawh khakhatbek hipan cihi. Tua numeinu in Windows teng siansuah in aomlaitak innsung ah innteekte piteek khatlobuang adang kuamah omlo cih kiza hi. Sawltak #zomidaily
Comment piaknop aomleh...