Singapore inndawl 3 na panin Truck mawtaw khat lengkhiasuak dektak

Singapore inndawl 3 na panin Truck mawtaw khat lengkhiasuak dektak

Singapore gamsung ah ninpuakna mawtaw “Garbage Truck” khat inndawl 3 na panin lengkhiasuak dektak cih Straits Times pan kiza hi. Senoko Area aom Complex khat ii inndawl 3 na panin Monday ni zanlam in aleng khiasuak dektak ahihi.

Ninpuakna, ninpaihna in akizang Sembcorp Truck pen inndawl thumna ah amailam apeiteng kiasukkhin a, ahawlpa zong amaibuk sungah awkcip hi. Driver papen kongkhak hongin kumleh anuai ah kiasuakding himawk ahih manin, tuakkhia theilo hi.

Singapore Civil Defence Force (SCDF) te’n agenkhiatna ah nitaklam 7:20pm hunpawl in Garbage Truck hawlpa pen mawtaw sungah awkcip ahih manin, hongki zasak cihi.

Anunung ah Truck Driver pen Aerial Rescue Platform kizangin ki honkhiathei hi ci’n SCDF te Spokesman khatin genkhia hi.

Hih Truck lenkhiatdekna hangin asi aliam bel omlo a, Driver papen aki hotkhiat khitciangin Khoo Teck Puat Hospital ah kipuak in sitcianna kinei hi.

More: Singapore Changi Airport sungah numei khat kum 8 sung teengcip

Sembwaste Spokesman khat ii genkhiatna ah hih buaina Incident pen Monday nitaklam in Attap Valley Road ah apiang hi a, aliam omlo hi. Safety pen aki thupi ngaihsut mahmahkhat ahih mahbangin hihvai bangci bangin piangthei cih kitheicianlo a, ki kancian dinghi ci’n genkhia hi. Alen suakloh phadawmlai ei… ZD Sawltak #zomidaily