Singapore, Hougang vengsung aom HDB Flat khat meikang, mi 3 meikhu thuaklah

Singapore, Hougang vengsung aom HDB Flat khat meikang, mi 3 meikhu thuaklah

Singapore gamsung Hougang, Lorong Ah Soo vengsung aom HDB Flat khat ii inndawl 2 na ah tuni Saturday sunlam in meikang cih CNA pan kiza hi. Tua meikatna hangin HDB Flat sungah ateeng Residents te lakpan mi 3 in meikhu limdikkhak phadiak mahmah uhhi.

Singapore Civil Defence Force (SCDF) te’n agenkhiatna ah Blk 142 Lorong Ah Soo ah meikang om ci’n tuni nitaklam 1:30pm hunpawl in hongki zasak hi ci’n genkhia uhhi.

Hih meikatna pen anhuanbuk Kitchen sung aom vanzatte hangin meikuang akipan hiding kici a, SCDF te’n Water Jet zangin meikuang phelhsiang theipah uhhi.

Video: A fire engulfed a second-storey flat in Lorong Ah Soo on Saturday (July 21) afternoon, leaving its three residents suffering from smoke inhalation. The window grilles of the flat were dislodged, and soot covered part of the white facade of the block.

Meikat laitak in Video akizaihkha khat Facebook tungah Humayun Kabir in khahkhia a, Second-storey panin meikuang leh meikhu akisuakkhia ziahziah tawmvei kimuthei hi.

Meikatna inndawl ii tawlet sikzawn “Window Grille” tezong ki longkhia in, akiim apaam taih tengzong meikhu tawh vomneinai hi.

Meikat laitak in hih HDB Flat sungah aomkha numei 2 leh pasal 1 te’n meikhu limdik khaklua uh ahih manin, Paramedics te’n hoihtak in velcianna nei uh a, ahi zongin zato bel kipuakliang samlo uhhi.

More: Italy, Rome khuapi sungah Passenger Bus khat meikang in puakkham

Tua meikhu athuaklah Resident mi 3 tepen tua HDB Flat sungah ateeng uh hi a, ahi zongin innkhatsung (Unit khatsung) ah aomkhawm uh hilo, meikatna innsung ah aom uh hilo hi. Tua meikatna innnei tepen meikat laitak in innsungah kuamah aomloh laitak uh ahihi. SCDF te’n banghangin meikuang kipan cih limtak akancian laitak cih kiza hi. Sawltak #zomidaily