Singapore, Neil Road lampitung aom Coffee Shop khat meikang

Singapore, Neil Road lampitung aom Coffee Shop khat meikang

Singapore gamsung aom Neil Road kici lamzikpi tungah akihong Coffee Shop khat tuni Saturday sunlamin meikang cih Straits Times pan kiza hi. Mawtawhawl Grab Driver khat ahi Mr. William Lim in Straits Times te tungah agenna ah sunkim 12pm hunpawl in Coffee Shop aom dailenbuk “Bathroom” kazat laitak in apuakkham agin ngaihmahmah khat kaza ci’n genkhia hi.

Tuaciangin amanlangin ka taikhiapah a, tua apuakkham pen Gas koihna bung “Gas cylinder” apuakkham tawh kibanghi ci’n genkhia hi.

Tuakhitzawh asawtlo 12:15pm hunpawl in Singapore Civil Defence Force (SCDF) te aphual ah meiphelhding in atung ngeingai kamu hi ci’n genbeh hi.

Singapore Civil Defence Force (SCDF) te genkhiatna ah 120 Neil Road aom Coffee Shop ah meikang cih hongki zasak ahih manin kidelhpah a, Water Jets 3 tawh kiphelhthei hi ci’n genkhia uhhi.

More: Singapore ah innteknu athatlum Myanmar innteng Zin Mar Nwe pen sihdan kipia theiding

Hih meikatna hangin mi 2 pen nak hamsa samahmah uh a, ahi zongin zato ah kipuak liangdingpen utlo uhhi ci’n SCDF te’n genbeh hi. Hih meikat laitak Photo aki khahkhia tepen Social Media ah kimuthei a, meikhu pen huaisia mahmah in, vandawn ah khuto neinai hi.

Hih Coffee Shop meikatna ahang taktakpen akician in kithei nailo ahih manin, thunei te’n akansan laitak uh ahihi. Sawltak #zomidaily