Thunget laitak sumbawm leh phone aguksak khat CCTV pan kimu
Malaysia, Kelantan State sung aom Pasir Mas khuasung ah Malaysia gammi numei te’n thungetna aneih laitak in pasal khatin sumbawm leh phone aguksak laitak CCTV panin kimukhia a, tua Video Clip pen Social Media tungah ki thehzak cih Berita Harian pan kiza hi.
Pasir Mas khuasung Kasar Mosque sungah Malaysia gammi numei te’n Subuh Prayer kici thungetna aneihlaitak in aki guksak ahihi.
CCTV sungpan in aki etkik ciangin thungen akunding in akithawi numeite nunglam ah pasal khat omkhikhe hi. Zanni Thursday (Dec 15) zingsanglam 5:55am hunin thupiang hi a, numei te alu akunsuklian ciangin tua pasalpa pen taivingveng in, sumbawm leh phone laksak hi.
Tua Mosque panin thunei khatin agenna ah tua sumbawm leh phone tepen nupi kum 60 aphakhin khat ii neihsa cihi. Thunget laitak in sumbawm leh phone aomloh ciangin CCTV panin kualak cih akimukhia ahihi.
Video: Thief in mosque jumps over a praying woman and escapes with purse and phone
Hih gutapa pen thunget akipatma in pasal te thungetna lamsang ah aom kici a, tua sumbawm leh phone te aguksawm ngiat in numei te thungetna lamsang ah apaiphei hiding kici hi.
More: Malaysia guta damiah vaitawh akiman mi 3 te lakah palik nih kihel
Mosque huangsung ah Motorcycle leh Car khawng aki gukzelzel hangin, thungetna Prayer Section sungtaktak ah hihbangin akigu pen omngei pakpaklo cihi. Tua gutapa zong thungending in apaimah hihtuak a, ahi zongin thungetkawm in sumbawm leh phone agukawm hihtuak mawk hi. Tua sumbawm sungahzong aneinu in sum RM60 bek akoih cisawnsawn hi. Sawltak #zomidaily
Comment piaknop aomleh...