Singapore Bus tungah pasal khatin zun athaklaitak Video kizaih in hehmahmah

Singapore Bus tungah pasal khatin zun athaklaitak Video kizaih in hehmahmah

Singapore khuasung kikawmna Public Transportatio Bus tungah pasal khatin zun athak laitak, adang Passenger khatin mukha in Video zaihkha citciat hi. Zanni September 18 nitaklam in Bus No. 28 tungah thupiang ahihi.

Tua Bus pen Toa Payoh Bus Interchange lam zuanin apai laitak hi a, nitak 7pm hunpawl cihi. Video azaihkhapa genna ah tuapa pen Plastic Bag cihkhat, tuithawl cihkhatlah zanglo in, mawtaw tutna akiukhat ah zunthaziaumawk ahih manin, azun pen Bus sualtung ah kivung keukau cihi.

Video akizaihlam atheih ciangin hehmahmah a, phunnamnam in, Camare zaihpa tawngphei, ngikpheigawp hi. Camera zaihpa pen vaugawp in, hehmahmah a, napaang hongbeng ning ci’n kammal hoihlo tampi tawh tawnggawp cihi.

Video: Man pees on bus, wants to smack commuter’s face for taking video

Tuabek thamlo, agei a Kawllukhu “Umbrella” khat tawi in, satsawm cihi. Ahi zongin tua Video zaihpa’n hihbang gamtatna pen kilawm salo ahih manin, tua Video phiatnuamlo, Delete nuamlo in, mipi muhding leh tuabang agamtatsawm te akidop theih nadingin Stomp te kiangah puakpah hi. Gamtatna khempeuh hongki musim khinkhianthei cih phawkdet huai a, ahoihlo gamtatsawm lohding thupi hi. Sawltak #zomidaily