Union Parliament ah Chin State MP te Thusunghte Etkikna

Union Parliament ah Chin State MP te Thusunghte Etkikna

Union Parliament ihcih pen Law Makerte Zumkah na ding mun ahihi. Lampi, Lei, Tuinek, etc ( Infrastructure) te nget nang mun hilo hi. A taktak in Infrastructure pen State Parliament pan vaihawm ding ahihi. State pan Union ah sum vanget suk den pen Democracy kalsuan zia hilo hi. Union Parliament in Policy lam hong gel ding hi na pin Infrastructure tawh hong buai uh ciang kikhemna lianpi ci-in mimal in mu ingh.

Kawlgam in Hluttaw ih neihkikna pen Kum 7 bang hong cing ding hita hi. Union Parliament ah thu kisungh atam zaw Infrastructure vai ahihi. Policy tawh kisai banghang tampi kisung lo hiam cih ngaihsut huai mahmah hi. Union MP ten zong banghang Infrastructure tawh kisai bekbek sung uh hiam cih kangaihsut ciang..

1. Kawlngian Azolo Hihangh -Policy bangzah tak in hoihlo ihci zong, Kawlte ading in sia lua lo hi.Gentehna in, Galkap in Parliament sung ah tutna 25% ngah hi. Tua galkapte pen Kawlte thuneihna mah hi. Kawlten hih tawh kisai Parliament sung ah thu hong sungh mengmeng lo ding uh hi. National Education Law hoihlo ihci zong in, Kawlte ading sialo leuleu hi.

Kawllai tawh lai kisin ahihman in, amau ading in Basic Education ei Mualmite sang ngah zaw limlim uh hi. En ei lai tawh Lai sin leng pilna lam ah theihna tamzaw ding hi. Curricurum hoihlo ihci ta zong amau ading na lawmlawm lo hi. Facility leh staff hoih ban ah Gamdang ah pilna sinnang Opportunity hau zaw uh hi. Tua ahihman in Mualtung pan a kah Union MP ten Policy lam hong buai pih zaw uh leh ih mavang zaw ding hi.

2. Policy Maker ding Mualtung mi tampi apiang nailo hihangh- Infrastructure tawh ih buaina pen ahai hilo in apil nailo, akhangtolo hilo, khangto nailo hi hangh. ‘The Military Junta Goverment kills us systematically’ cileng kikhiallo ding hi. Ih pil, ih hauh, ih khantoh etc(Holistic Development) ih neih theih nang nidang pekpan a planing tawh hong bawl siasia uh hi. Thongzaipi sung ah ih vek in hong khum uh hi.

Adah Huai Chin State MPte Thusung- 2015 kitel NLD Kumpi hong kah zawh Union Parliament ah Chin State MPten thulu 24 bang sungh a, Policy vai khat vei zong sungh lo uh hi. Atamzaw Paletwa lam MPten thusungh a, Unfrastructure tawh kisai vive hithong hi.Belpawl Gamsung ah akhangtolo pen Chin State ahih kawmkal ah akhangtolo phadiak pen Khanglamte ahihi.

2016-17 Chin State Education Budget bang ah Sanginn bang Khanglam ah 100 val kia hi, ana khangtoh loh luat man a hihi. Hihteng tawh Kum hong kivei ding hi. Tuapen Kawlte lungtup ahihi. Policy hoih leh Gam Khangto ding cih kuaman ngaihsun khollo in mu ingh.

Mualmi Union MPte thusung ding kilawm kasak hon khat- National Education Law, Land Used Policy, Union Hluttaw ah Tangmi Kikimlohna Policy, National Resource hawmdan Policy, Foreign Investment Policy, National Races Vai, State Policy, Amendment of 2008 Constitution Human Rights Policy etc. Hihteng hoih leh zong akhangto ding hi hangh.

Human Rights tawh tawmcik genbeh leng mikhat kithat in a luangman ngen ding cih bek hipah samlo hi. Division 7 aa Mihingte hamphatna ngahzah State 7 aten zong a ngah kisam hi. Student Rights tawh enleng Sangnaupang khat ahihnak leh, Sang apai nang Lampi nuam ding, Apai nang Van om ding, Sanginn hoih ding, A cidam nang kimawlna leh Zatui hoih om ding, Sang akah zawh nang ankhing kham ding, a kisil nang Tui kicing ding, Lai asim nang Meiteng hoih ding, Sangsia kicing ding, Asinte Practice nang Facility kicing ding etc hi.

Ih Puten Abulpan phuk sawmlo in, a teh lawh sawm pan uh hi.

Lungdam
Cin Lian Khai (Zogamkhaino)