Singapore ah Zika Virus angah mi 26 ki behlap leuleu

Singapore ah Zika Virus angah mi 26 ki behlap leuleu

Singapore gamsung ah Tuesday ni in Zika Virus angah mi 26 ki behlap leuleu cihi. Zanni Tuesday (August 30) ni in Singapore Ministry of Health (MOH) leh National Environment Agency (NEA) te’n Joint Statement bawlkhawm uh a, Zika Virus vaitawh kisai genkhiatna anei uh ahihi.

Monday ni inzong Zika Virus angah mi 15 ki mukhia a, Sunday ni inzong mi 41 mah mukhia uhhi. Zanni in mi 26 kibehlap lailai ahih manin, tulaitak akigawm in Singapore gamsung ah Zika Virus a ngah mi 82 tak phatamawk hi.

Tuesday ni Zika Virus ngahte a sitcian uhciang in mi 17 tepen Sims Drive/ Aljunied Crescent Area ah ateeng leh nasem te ahi uhhi. Adang mi 5 tepen Kallang Way leh Paya Lebar Way, North of Sims Drive/Aljunied ah ateeng leh nasem in aomte ahi uhhi. Adang mi 4 tepen thunei te’n akancian laitak uh ahihi.

Hihkuamsung ah aom mi 111 tezong Zika Virus a ngahkhadiam cih lungnopmawhna tawh sitcianna nei uh a, tualak ah angahkha kuamah omsamlo hi.

Singapore Ministry of Health in agamsung aom naupaai khempeuh avekin Zika Virus sitcianna neihdingzong genkhia hi. ZD Sawltak #zomidaily