Singapore khuapisung Esplanade gei aom Marina Bay tuitung ah khualzin mite puakna River Taxi khat Tuesday ni in meikang cih Channel News Asia pan kiza hi. Mei akat ciangin ahawlpa tuisung ah tuaksuk a, kimuzo nawnlo cihi.
Tuisunglut siam Divers te’n zongpah ngeingai uh a, nitaklam ahih manin tuisung hoihtak ki mutheilo in zonhamsa ci’n Singapore Civil Defence Force (SCDF) te’n genkhia hi. Ahawlpa Boatman bek amangcip hi a, adang asi aliam kuamah omlo cihzong SCDF te’n genkhia hi.
Hih Accident amittawh amu Eyewitness Kenneth Lim in Video Clips tomno khat nazaih a, ama ii genkhiatna ah hih gunkuang pen mei akatciangin mikhat tuisung ah lengkhiapah hi. Tuakhit ciangin adang Boat nihlehthum inzong aphual ah delhphei uh a, ahi zongin Boatman pen ahonkhia kuamah kimulo cihi.
Anuai ah Video Clip tomno khat…
SCDF te genna ah amaukiang hih meikangvai 6.26pm hunlian in kizasak a, hih luipigei aom Water Jets te nihtawh meikiphelh cihi. Channel NewsAsia te genna ah nitak 7.15pm hunin mei kiphelhsiangzo cihi. ZD Sawltak #zomidaily
Comment piaknop aomleh...