Trump in Putin aki hopihpah tading hi ci

Trump in Putin aki hopihpah tading hi ci

Jan. 27, 2017: US President Donald Trump in a sawt loin Russian President Vladimir Putin tawh kihona nei pah ding hi’ng cih ka lamen hi. President dingin ka cin’ in lungdampihna lahna in Putin in hong hopih a, thu bangmah ka kikum man kei uh hi. Ahih hangin thukikup khawmna nei ding hi ung cih ka tel hi ci-in Fox News ten a interview na-ah gen hi.

Trump in Russia tawh kipawl leng ISte zawh khiat siang theihna dingin US leh Russia in kiphattuampih tuak ding hi ci-in Fox News-te kiangah gen hi. Hih ISte pen cinat huai mahmah ta hi. President Putin ka tel nai kei hi. Ahih hangin Russia tawh pang khawm thei leng ISte dona ah US adingin phatuam dinga, Russia adingin zong phatuam ding hi ci hi.

NBC White House correspondent Hallie Jackson in a Twitter ah zan in Trump leh Putin in Kiginni ciangin telephone tawh kihona nei ding uh hi ci-in Trump administration source in ci hi ci. Zan in Kremlin spokesman Dmitry Peskov in bel a kiho hun ding uh kitel nai lo hi ci hi.

Russian Foreign Minister Sergey Lavrov in zanhal in leitung bup-ah tona (challenge) nawkna dingin gam thum kipawlna khawmna (trilateral partnership) – Russia, US leh China kisam a cih pen Chinese Foreign Ministry spokesman Hua Chunying in zaknop na sa mahmah a, Russia, US leh China in leitung in tona a tuahte do khawm theina dingin hih bang kipawl khawmna China in kilunggulh mahmah hi ci hi. Hih banga kipawlna pen gamdangte elna leh ngimna ding hilo a, kua peuh in gualzo tek (win-win) kipawl khawmna hi ding hi ci-in Ms. Hua in gen beh hi.

Russia leh China kinauna pen tu lian leh a beisa in hoih mahmah hi Ahih hangin China leh US kitanauna pen 2012 in Obama administration in Asia ah gamkeekna ding ngimna tawh “pivot” to Asia-Pacific region kici hong pat khiat khit nungin South China Sea buaina ah US hong kigolh hi. Tua hangin US-China kitauna nakpi takin siasak hi. Source: Sputnik and The Hindu/ Thang Khan Lian