Siapite cih Idol pen milim, ZOMUS Idol pen milim hilo

Siapite cih Idol pen milim, ZOMUS Idol pen milim hilo

Siapite cih Idol pen milim, ZOMUS Idol pen milim hilo, mihing, Zomi te la kidemna. Siapite aw, siatkaih lua uh teh, tua zah zezen hilo hi. Hoih asalote in zang lo, hoih asate in zang hilel hi.

Gentehna: Tuiphum hoihsate in tuiphum biakna zui pawl khat om, hoih asalote in RC, EBC, AG … hoihsa pawlkhat kituam khop ciat, kuamah vantung ah ama lentoh om tuan lo hi.

Tua bangin nasepna kipawlna hiva, milim bia hi zenzen lo uhi. Tha pia tek lel ni, khangthakte atamzaw lunglut, kipawlna khat hi. Satan pawlpi bangin Milim bia, Dawibia hileh kham huaisa ing.

Idol pen general meeting MILIM ahih hangin tua milim thupisa a abia a om bangin mi thupi isak khat zong my idol – thupi isak cihna hilel hi.

Zomi Idol icih manin HELL sung ah kikhia pah cih zong om kei, Milim biate bek, Jesuh anialte bek hell tung ding hi.

Zomi Idol om aphattuamna – Zomi lasiam tampi piang, minthang, gam khat ir gam tuamtuam sh kithangin tua Zomi Idol lasate mah izat theih pente sung ah kihel hi.

Zomi Idol kidemna ah Pasian la leh gam ngaih la 80% kisa in thupi sa ing. Zawlla hoih mahmah, puansuah zezen pawl ahi lo – itna ngaihna lahoihte zong atamzaw kisa leh ut ing.

Zomi Idol om ma-in lasiamte asiam hilel a, kipawlna theihpih cih bang omloin Zomi Idol ineih khit ciangin ciaptehna leh theihpihna kician lasiamte in ngah hi.

Zomi Idol neihna hangin supna khat beek om kei. Biakna makaite in thu khat peuhpeuh aval akan asia bang a gen gawp ding hilo a, Idol khiatna – MILIM cih tawh ibuai sangin Zomi Idol ineihna hangin iphattuamna leh isupna isiatna tehkak khinkhai ding kisam hi.

Zomi Idol hangin khangno 100 ah 60 bang in siat lawh, Siapite nawngkaisak, pawlpi leh mipi in ibuailawh leh bek HOIH KEI, KHAWL UN icih ding hi. Tua hilopi, akhiatna MILIM cih lel tawh Pasian thu ki-umsak khengval siate leh mipi sung a pawlkhatte in ngaihsut phat huai hi.

Zomi Idol pen Satan pawlpi hilo, Zomi Idol ikhaktan sangin Zomi Idol akhaktan nuamte kidop huai zaw hi. Lang Khan Khai