Refugee ih cihte kuate hiam?
Mikhempeuh in gamdang khat peuhpeuh bel in nuam takin om thei a, tua a belhna gamte’n simawh in bawlsia theilo hi. Universal Declaration of Human Rights, Article 14 (1).
Refugee ih cihte pen Biakna vai, Minam vai, Gammi hihna hang leh Gamvai (Politics) leh kipawlna khat peuhpeuh hang tawh bawlsiatna nasia tak thuak in gampua lamah ki hawlkhia or gam dangah tai-in ama gamah kilehkik thei nawnlo or lauhna hangin a kilehkik ngam nawnlo te pen Refugee kici hi. (1951 UN Convention, Article 1 (A) (2).
Refugee ih cihte anuai a hang teng tawh agamuh ki nusia sak
⦁ Ama gam sungah ki deidanna leh ban siatna hang tawh,
⦁ Gam sung gal kidona hang tawh,
⦁ Gam sungah buaina nasia pianna hang tawh leh,
⦁ Mihing vai a ki nawngkai sakna hang tawh a omna gam nusia in gam dangah tai, ama gamah a ciahkik thei nawnlo or ciahkik ngam nawnlo te pen Refugee ih cihte a hi uh hi. Source : www.unhcr.org.my
Telkhialh huailo UNHCR vai a kitelkhial bialbual pawl khat
⦁ UNHCR in mi thak lakding hamsa a sak hangin, gam 3 na leng dingte maban bang mah nawngkaina omlo in ki zomtoto thei lai.
⦁ UNHCR in mi thak lak ding hamsa a sak hangin, innkuan ki lutpih toto thei lai. Adiak in 2009-2012 sung UN ngah innkuan lutpih thei nailo te’n ZAM pan lai ki tensak thei hi.
⦁ UNHCR Card renew ciang a card matsak cih thu a than mahmah hangin kei tua dan tuak ing a ci khat zong omlo. UN ulian te’n ko tua danin Card laksak kei ung ci. Kamlet ten zong a kamletna vuah card ki laihsak kik tuakkha ngeilo.
⦁ Nausuak khempeuh UN card ngah hilo zaw in, a Nu or Pa khat teitei UN card ngahsa ahih leh naungek in ngah thei cih hi zaw.
⦁ UNHCR in 17 August 2010 ma UN ngah teng bek huam a cih hangin, mimal tangthu, damlohna leh innkuan pihte tawh file kizopna dung zui-in hon khat mah leng thei veve ding ci.
⦁ USA tunna ding sum piakkullo (free of charge) acih uh hang USA khit nasep na ngah khit teh kha khat $35 cih bangin piakkik kul veve ding.
⦁ Innkuan lutpih (DS), REG, RSD, RST, RSC, DHS leh IOM ah lai gelhsak nuam peuhpeuh ZAM zumpi panin a khawnkhong in ki gelhpih den hi.
⦁ Min kibang vai a tawm khat ki khawlsak (suspend) ngahte a ni a cingkhin teh lai kiten sak thei hi.
⦁ Zum vai na tel taktak kei leh mipi linglawnna ding, lungkiatna ding gen/suaksak keizaw lel in. Mipi te’n himaw hilo ZAM zumah dot ding hoih pen hi.
United States Ngeina le Dan Thusinna Khutzat Laibu : ZOMI (azom)
Kamkupna Kal 7
Kigin kholhna
⦁ Sin in la ki gingkhol in. Ki muanna omna ding a kitam dotdeuh dotna te innkuanpih, kholhpih lawm te tawh sinkhol in.
⦁ Bang nasepna dingin nasep siau cih teh tua company ii thu atomkim in theihsawm in. Thudotna hun atom thei a dotnop thu nadot theih nangin kiging in.
⦁ Puan siangsilh in. Thudotna hongnei ding pen nang hong thupi sim theih nading na omzia, na pauzia in thugen hi.
Kamkupna mun na tunciang
⦁ Hun maan in! Thudotna dingah hunla in natun zawh kei leh nasem hi le cin zong hun manlo ding hi ci-in hong ciamteh thei hi. Tua ahih ciang in hun thupi sakna, hun manna kisam hi.
Kam khum, awneem tawh ho in
⦁ Thu hongdong ding pen hoih takin akhutlen in. Nuihmaisa in amai enkawmin amin tawh hopih masa in. Omdan khawldan kidawm in.
⦁ American gamah khat leh khat mai ki enkawmin kihona in thumanna, zahtakna lahna khat hi ci uh ahih manin nasep neite mai-en a hopih ding. Hoih tak tu in khut zeplo ding. Khe phekin tulo ding. Muhna nawngkai sak nate tawilo ding. Azenzen in nalau leh nalau lam ki langsak kei in hang takin ki muanna na neihna theisak in.
Thudotna
Nasep nei khat in nang nasep hong piakna hangin tua company ading bang phattuamna piathei cih a theih nangin hanciam in nang i thu hong dong ding pen panpihna hi a, a ma panpih ding na hi kei hi.
Khutlet khit ciang pai khia kik
⦁ Thudotna ah na theihnop thudotnop hun om kha thei hi. Tua dotna dawn theihna dingin kiging kholh huai hi.
⦁ Thu hongdong pen amin tawh ho in ki muanna tak leh nuihmaisa in akhut nalet khit ciang paikhia in.
⦁ Thu hongdong pa/nu tungah hun hongpiakna hangin lungdam thugen in.
Thudotna ngah
Azenzen in nasep nangah kei leh dahhuailo hi. Tua bang dotna nangah khak pen gualzawhna, ham phatna khat hi kici thei hi. Nasep nei pa/nu in a kisapna mun ah nasep hongpia thei kha ding hi (or) Nasep zong midang khat tungah huhna hong nget sak thei ding hi. Hi dan thu dotna ding a kisam thu tuamtuam na theihna ding hanciam lai in. Cikmah hunin lungkia in nungkik kei in. Zopzop lai ding…
Kiallap Malay pau sinna : Nasepna thak ah
Zopau : Na nasep thakna nuam nasa na?
Malay : Bagaimana perasa-an anda terhadap perkerja-an baru anda?
Zopau : Bang mah khempeuh lem dingin lamen ingh.
Malay : Saya berharap semoga segalanya baik.
Zopau : Zingsang tungin na tho nuam na?
Malay : Adakah anda mahu bangun awal esok?
Zopau : Kingah lel ea.
Malay : Sudah tentu.
Zopau : Zingteh zingtungin ka thawh kul ding.
Malay : Saya mesti bangun awal esok.
Zopau : Nasep na kipat cil ni zekai theilo aw.
Malay : Anda tidak boleh terlambat pada hari
pertama perkerjaan baru itu.
Zopau : Aw thei ing ei
Malay : Ya, saya mengerti.
Zopau : Nai bangzah a nasep kipan na?
Malay : Pukul berapa anda mula berkerja?
Zopau : Nai 9 a kipan.
Malay : Mula pada pukul 9:00
Zopau : Ngaihsut hoih nong piak manin lungdam ingh.
Malay : Terima kasih banyak atas nasihat anda.
Ei te in ZSM ah ih puakhawm hi
Kong it uh Zomi pih te khempeuh tungah ZSM zumpi panin khatvei kong hopih kik uhhi. Hun tomno sung khat tawh kibang asa pawl khat om ding hang a, ni leh kha te bei theilo in ni leh kha te sawt mah si ee ci-aa athum atau zong ih om kha mah ding hi. Bangbang ahi zongin tua hun sungin kum thak zawh kha (4) sung akantan to zual ih hihi. Hih huntom no sungin Zomi sinsen (15) te luanghawm te hanmual ah ih kha khawm hi.
Tua sung panin April kha sung bekbek in luang (7) hong himawk hi. Amau te in sih sawmlo pipi mah hi uh a, ahi zongin ahun atun ciangin anuntak na bei in, misi hong himawk hi. Tua ahih manin nang leh na veng te, na naseppih te, na khuapih te, na pawlpi sungah, hi bang aa nuntak na bei in sihna atuak mite panpihna (ZSM lutna RM20, kum khat ai) apia kha nailo ih omkha lai hiam ci-in ih ki phawksak nuam lailai hi.
Azenzen in a pia kha manlo te in, tua bang a azangh mite na dahpihna, na hehpihna, na thukhualna, it na-na lahna, na veina te na lahna in RM20 tawh ZSM ah na kizom in la, nang ma zat khak ding cih ngaihsutna tawh na pia kha het kei in. Tua hi leh Nang leh na innkuanpih te adingin damna, daupai na thupha hong hi ding aa mite na huhna lianpenpen hong suak ding hi.
Ei te in Satu Zomi / Satu ZSM / Satu Malaysia
Tukal ZAM Palaai te buaipih diak teng
⦁ Sang Bik (Tai 9), 24 April ni-in Embassy ah ki buaipih.
⦁ Zam Khua Tuang (Sawbua), 24 April ni-in UN zum ah avai ki puaksak.
⦁ Suan Khua Mang (Zonuamzaang), 24 April ni-in UN zum ah avai ki puaksak.
⦁ Mung Lian Kap (Pyidawtha), 24 April ni-in UN zum ah avai ki puaksak.
⦁ Khup Gin Lian (Tualzaang), 27 April ni-in kiman a, a thu ki kankan laitak.
⦁ Suan Sian Kham (Buan), 27 April ni-in Jinjang lockup a om ki buaipih.
⦁ Do San Cin (Suangsang), 27 April ni-in a omna lockup ah ki buaipih.
⦁ Gin Muan Pau (Mal Suangzaang), zum panin ki tankhia thei.
⦁ Niang San Mawi (Khuadam), Sea Pak palik zum panin ki tankhia thei.
⦁ Khai Khan Khup (Zozaang), Suan Za Khual (Gamlai), Nang Suan Tuang (Keizang) leh En Khan Tuang te Sea Pak lockup ah om lai uh a, a ki buaipih laitak.
⦁ Niang Ngaih Ning (Tedim), 27 April ni-in Tung Shin ah ki buaipih hi.
⦁ Ning Hau Lun (Kham Zozaang), 29 April ni-in a omna ah kiveh thei.
⦁ Niang Sian Hoih (Haupi), 29 April in Ampang zato ah ki buaipih.
⦁ Cin Za Hu Pau (Tuithang) 29-30 April ni-in HKL zatopi ah ki buaipih.
⦁ Man Za Niang (Haupi), 30 April ni-in Pudu Specialist ah ki buaipih hi.
Pa Gin Khen Mang sihna thu
Leitawhtan a teng, Sezang khua Pu Thang Khan Mung leh Nu Ngul Luan Cing te tapa Pa Gin Khen Mang sihna vai tawh ki sai-in Kepong Kawl Genvai Kipawlna te Tangko na thu aki theih ciangin a sanggampa tawh zumah kimu in ZAM-ZSM panin thu kician takin ki kanpah hi.
Pa Gin Khen Mang pen Malaysia ah 24/01/2013 ni hong tungin, January 2014 in kiman a, 21/06/2014 ni-in Lengging Camp sung lut hi. A body No. 58705 hi. Luanghawm hanmual atan theihna dingin a sanggamte tawh ZAM-ZSM in maban a kisam ding teng aki sepsan laitak hi.
ZAM ah Ngeina puan leh vante kingah
ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantong leh a bansau (pasal), Zoniik nam tuamtuam (numei), Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial atuamtuam kingah hi.
Theihhuai Phone Number Pawlkhat
Resettlement Support Center (RSC)
RSC Phone Number (1) : 03-2144 8105
RSC Phone Number (2) : 03-2144 7994
RSC Post Team Phone Number (1) : 03-2141 1943
RSC Post Team Phone Number (2) : 03-9222 0529
RSC Inquiry Phone Number : 03-2141 5846
IRC-CO Class Phone Number (1) : 03-9222 0041
IRC-CO Class Phone Number (1) : 03-9222 0042
International Organization of Migration (IOM)
IOM Medical Phone Number (1) : 03-9235 5422
IOM Medical Phone Number (2) : 03-2144 2043
IOM Operation Departure : 03-9235 5430
IOM Medical (Sputum) : 03-4021 4314
UNHCR
UNHCR General Line (1) : 03-2141 1322
UNHCR General Line (2) : 03-2117 1400
UNHCR General Line (3) : 03-2118 4800
UNHCR Hotline : 012 630 5060
UNHCR Hand Phone No. atawpna malthum : 824
Hih atung a phone nambat teng na phone : 966
sungah ciapteh sawm hamtangin nang : 011
adingin manpha mahmah ding hi. : 724
Nausuak Nu leh Pa te’n theihhuai
UN card nei leh neilo kisailo in nausuah khitphet teh kumpi matpongten zum JPN ah nausuak lai lak loh phamawh hi. Nu leh Pa in UN card a neihkhit hangin tua JNP pan nausuak lai a om kei leh naungek in UN card ngah theilo ding hi. Tua nausuak lai bektawh UN ah nau a ki lutpih thei hi.neilo Nu leh Pa te in nausuah ciangin nausuak lai lakna ding maibingin lau uh ahih manin hi ci omcip thei uhhi. Nausuah zawh ni 42 acin khit leh nausuakna lai lak ding vaisah mahmah ta ahih manin tatdan ding atheilo Nu leh Pa te’n ZAM ah nong zaksak ding uh deihsakna tawh kong zasak uhhi.
ZAM zumah leitheih tuamtuam
(1) English to Zomi Dictionary RM50
(2) Zolai Siangtho RM50
(3) Kawllai Siangtho RM30
(4) Galhiam Labu RM30
(5) ZYA Tin Jubilee Magazine RM50
(6) Zogam, Zomi tangthu RM20
(5) Namsiaza RM20
(6) Zomi DVD/VCD tuamtaum 1 teh RM10
Tune Insurance Card te hongla un
cCin Za Thawng (Innkuan) cThang Zo Mang
cKlang Suan Mung (Innkuan) cDal Za Langh
cMoses (Innkuan) cZam Go Vung
cThang Go Pau
Thukan telin, pilvangin, kidawm ciat ni
Malaysia gam pen palik leh damiah tam mahmahna gam ahih manin vaksuk, vaktohna ah kidawm ciat ni. UN vai ah damiah sem nuam, mi a linglawng sak, sum deih luat manin mipi up huai nono thuthak bawltawm zong om ahih manin, himaw hilo thukan telin, pilvangin, kidawm ciat ni.
ZAM pan dahpihna
Tongsial khua, Pu Cin Suan Lian leh Pi Don Sian Cing te’ pata u pen, Pa Neng Khen Khup (Kum 31) Buansing beh (ZAM-27004) 22/04/2015 ni-in a leitung nuntakna nusia in tawlngakna kham khuapi ah hong ciahsatna hangin ama hangin adah akap, a it mahmah azi leh a tapa, pianna Tuun leh Zua, pianpih sanggam te leh khua leh tui tawh kibangin ZAM zumpi panin dahpihna thu ih puak hi. Pa Khupneu pen ZAM pawllut mi ahih ziakin zumpi panin RM500.00 tawh mangpha khakna zong ih nei thei hi. Pa Khupneu ii luanghawm tawh a nunung pen hunbawlna 28/4/2015 ni-in ZSM makaihna tawh Tongsial innpi Cahaya, Kuala Lumpur ah a ki neih khit ciangin Klang Meru Christian hanmual ah Siampi Gin Khan En (MZCC Pastor/ZSM Advisor) in lungkim huai takin lei ah apkikna hong neihsak thei hi. Adah akap lungzuang khuangai khempeuh tungah Topa’ hehnepna hong tungta hen.
Tonzang khua, Pa Cin Khaw Zam leh Nu Lashi Hkang Nang te tapa Tg. Suan Sian Sang, Samte beh (Kum 25) in 13/03/2015 ni-in leitung nuntakna hong nusia in 28/04/2015 ni-in lungkim-huai takin leiah tuh kikna kinei hi. Sanggampa hong nusiatna hangin adah akap nu le pa, meltheih u le nau khempeuh tawh ki bangin ZAM zumpi panin dahpihna kong pulak uh hi.
Innkuan lutpih thei nailo te theih ding
UN ngahsa innkuan pih lutpih thei nailo te in UN ngah nailo na zi leh na tate adingin kidalna lai (Protection Letter) na bawl nai kei a leh ZAM zumpi ah bawl sak un. Deihloh penin lamkal ah kisitna, kimat kihenna, lockup, thong tunna khat a om leh UN te’n hong hotkhiat nang baih zaw deuh hi.
Zomi Card tawite ading nasep
⦁ KFC, KL sung a sem ding numei mangpau or malay pau thei mi 5 kideih.
⦁ KFC, Penang Island a sem ding mangpau or malay pau thei numei 5 leh pasal 5 kideih.
‘ 012 367 4665
Lungdam takin hong kisang ding
⦁ Gamsung gampua mun tuamtuam pan ZAM nasepna te tha na piak nop leh lungdamtak in hong kisang ding hi.
Lungdamkohna
⦁ Tg. Dal Suan Piang (Anlangh) in tukal Thupuak a ding RM50 hong piakhia ahih manin lungdam mahmah hi.
⦁ Gamsung gampua mun tuamtuam pan ZAM nasepna te tha na piak nopleh lungdamtak in hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...