Siamsin icih tak ciang in… ~ Bob Tuangpi

Siamsin icih tak ciang in… ~ Bob Tuangpi

Zomite’ Kammal “Siamsin” cih ciangin mihing nuntak khuasakna ah nuntaksung pilsinna leh khutsiamna asinlaitakte siamsin ci-in kigenthei hi. Sangpilna sinna ah thuthuuk sinna lam (Art Major) leh khutsimanna nate’thubul kantelna lam (Science) namnih ahuampi-in kikhen hi.

Abeisa bang kum (10) hunkhat pan leitung pilsinna leh nuntak khuasakzia pen thukizak baihna hun/siamtheihna hun (Information and communication technology) huhau-in leitung nuntak khuaheekzia hong kidang mahmah mawk hi. Tu’n ahih leh tua hun abei kuan hita aa na khat pepeuh thukizaak tuahna bek hilo tua thute siiksan kiciannei-in thu-le-la adawl adawlin kepna/senna hun (Data technology) hun hong tungta hi.

Myanmar leh India bek hilo leitung bup ah kithehthang Zomite in zong pau kician/kammal kinei hi. Atungah igennop bulpi “Siamsin” cih kammal pen pilna leh khutsiamna khat pepeuh asinlaitakte hi ci-in zaitak huamsak leeng kihuamsak thei mahhi.

Tuhun leitung mihingte in “Khan tawntung pilna sinte hihang (Life long learners)” cih ngaihsutna thuciim in leitung gamkhangtosate ah mun hong luah zawh khang tam simsim ta hi.Tua bang dan ngaihsutna in tulaitak leitungah anungtalai teng “Siamsin” aa san ding kuamah anial omlo ding hi.

Ahizongin, hih mun ah igennop bulpi in “Siamsin” cih ciangin Kawlgam leh India ah om Zomite’ ngaihsutna ah gengen tase kei leeng ateek akhangin atheihpah lek (Understood) uh “Siamsin” cih kammal in agennop a etsaknop pen Kawlgam ah hileh sangpilna laitan, tan (10) zokhinte kigenna ahihi. India lam leh US of America gamte ah laitan, tan (12) zosate kigenna ahihi. Tua pen pilna sang (Higher Education) kici College/University akahlaitak sang naupangte kigenna hi.

Myanmar Gamsung Siamsin leh Zomi Siamsin Thutom

1885 kumpi Kawlgambup (Proper Burma/Ministerial Burma-Kawlzang Kuam teng) gamkeek mangkang kumpi in lakhin (Colonized/Occupied) uh aa tulaitak Chin State ci’n apualam mite in hong theih pih Zogam leh mualtung gam honkhat kigawm (1947 India suahtakna ma leh 1948 Kawlgam suahtak ma) pen mangkang kumpi (British Empire) in 1896 The Chin Hills Regulation Act nuai ah koihin mualtung gam honkhat tawh kipawl ukna (Frontier Areas Administration) nuai ah hong gawm uhhi.

Kawlgam leh India suahtakna hanciam hun sung (Independence movement) hun sung bang enkik leeng pilna sang sin “Siamsin -University) sang naupangte’ mapanna leh pattkgiatna (Initiative) lakna tawh suahtakna ngah dong kilawhcing mahmah ahihi.

Adiakin Kawlgam ah University sangnaupang makai Ko Aung San, Ko Nu, Bo Aung Kyaw cihte ban ah akhangkhangin sangnaupang makai Salai Tin Maung Oo (1974-U Thant Buaina) Min Ko Naing leh tulaitak makai minthang (8888 sang naupang makaite/adang tampi omlai) pen Zopau in “Siamsin” icihcihte ahi uhhi.

Khuadak In! Hun Kikhel Ta!

Kawlgam, India leh leitung gam tampite ah gam kikhelna leh hunthak kikhelsakte i et teh “Siamsin” te’ mapanna cih anial omlo ding hi. Ahizongin, tua bang “Siamsin Sangnaupang” in apanlak hunte uh i et kik teh kum zalom 19-20 ( AD 1900-1990 kikal sung teng) hipen hi.

Kawlgam ah zong gamkeek mang kumpi dona ding Japan gamkeekte dona ding ahoih pen khutzat in “Siamsin” sangnaupangte ahihi. Tua mah bangin galkap kumpi langdona ding zong sangnaupangte mah paulapin na kizangh toto hi. Tua zonghsanghkha hun kikhellam aphawkkhalo khangthak honkhat mah in nung asawtnailo hunkhatlai “Siamsin” te tawdapin Sengam, Hong Kong Siamsin te hong kitom uhhi.

Tua teng eengkha-in Kawlgam ah zong Yangon khuapi leh mun tuamtuamte ah “Siamsin” naupangte mah pilna lam sumzeekna behlap nading ong kitom ngeingai nong uhhi. Tu ciangciang kum zalom (21st Century) ah “Siamsin” te’ kiphinna gamvai ah lawhcing cih sangsikin lawmsapna leh supna tam zaw gige hi. Tuate thukantelte in a etkik uh ciangin ahun beita ahihlam mukhia uhhi.

Zatang/zatui ahun beita (Expired) khat ne/kisun lecin lauhuai mahmah ahih man i kamsiat ngel leh sihlawh thei ding hihang. Leitungah a om nuntakna nei khempeuh in hun neitek uhhi. Siiktawlai khethun (Type writer) om-in tua ama hunin mihingte’ nasepna noptuamsak mahmah hi. Tun ahih leh siiktawlai khetna hun beita-in computer, Mobile phone, Ipad, Ipod leh adang tukhanghun vanzatte in mun hong luahta uhhi.

Atung na tuan sakol khat anu maw? Apa cih nangawn na theih kei leh nang kanin mihai om nawn ding ahiam! Singtutphah khat hong pian nading gamsung ah singphuukpa thupi mah aa, innphual hong tungin khutsiampa (Carpenter) khut sung atun teh singphuukpa akizat nang om nawnlo hi. Siamsin siiksan minam leh gamvai sephun beita hun kikhelta ahih manin gamvai semnuamte in suaktatak gamvai sephun leh septheihna phualpi omta hi.

Siiktawlai khetna hun beita bek hilo Ball pen hun zong beita in Computer leh hunthak vanzatte in leitung hong luahta uhhi. Leitung kikhelta! By: Bob Tuangpi Tawmvei : Kalaw, Shan State