Malaysia Wisma Bernama ah Bomb om ci’n ki patau mahmah

Malaysia Wisma Bernama ah Bomb om ci’n ki patau mahmah

Malaysia, Kuala Lumpur khuapisung aom Wisma Bernama ah Bomb om cih kiza ahih manin ki patau mahmah cih Bernama News pan kiza hi. National Library leh Wisma Bernama gei aom lamgei khatah Bomb dingin aki ummawh khatleh lai khat kinusia ci a, Police leh Fire and Rescue Department tezong aphual ah delhpah uhhi.

Jalan Tun Razak lamzikpi gei aom Jalan 2/65A lampi gei khetawh lampaina Pedestrian Walkway ah akikoih cihi. Singkungnuai khatah puansia tawh kitun in “Bomb Attack” cih Note akigelh laikhat tawh kinusia cihi.

Fire and Rescue Department spokesman khat ii genkhiatna ah hih Bomb om cihvai pen tuni Monday nitaklam 5:33pm hunin hongki zasak cihi. Wisma Bernama ah nasem khatin hong zaksak hi a, meiphelh mawtaw Fire Engine khatleh Firefighters honkhat ki paisakpah a, agen mahbangin singnuai khatah akituun Package khat kimu cihi.

Tuaciang in amanlang in Police te kizasak in, tuamun teng kuamah aluttheihloh nadingin ki umcippah hi. Bomb ahemkhiatthei Police Bomb Squad te’n nitaklam 7:45pm hunpawl in tua Package pen lakkhiattheih nadingin hanciam uh cihi.

Wangsa Maju OCPD Supt Mohd Roy Suhaimi Sarif in agenkhiatna ah tua Package pen nitaklam 8:02pm hunin asungah bangom cih akitheih nadingin ki puakkhamsak cihi.

Police Bomb Disposal Unit te’n aki siazokhopding Explosive vanneu khattawh puakkhamsak masa uh a, asung a et uhciangin thawl “Bottle” pawlkhat puansia tawh akituun nahi ci’n genkhia hi.

Package sungah apuakkhamthei hiamvan taktak omlo in Bottle akikoih in akikhem nahimawk hi. Police tezong thangpai mahmah uh a, hih Package pen kuakoih hiding cih limkansan mahmah uhhi.

Nungkum September khasung inzong Kuala Lumpur khuasung St. John Catholic biakinn khangdeuh, Zeyar Kawlsai sakdeuh aom “Bursa Malaysia Building” ah Bomb om ci’n zaksakna kinei ahih manin ki patauman mahmah hi.

More: “Bursa Malaysia Building” ah Bomb om ci’n ki patau man mahmah

Bomb Disposal Unit te’n hoihtak azon uhhang in bangmah mukhiat neilo uh a, Bomb Threat ki lauthawngsakna nahimawk hi. ZD Sawltak #zomidaily