Shwepyhithar Industrial Zone pan vankham US$15.3 million manneiding kiman

Shwepyhithar Industrial Zone pan vankham US$15.3 million manneiding kiman

Myanmar, Yangon’s Shwepyhithar Industrial Zone sung aom vankikepna Warehouse khatpanin Thursday ni in palik te’n Cocaine vankham 200 kilograms (441 pounds) mankhia uh cih Myanma Alinn pan kiza hi.

Tua Warehouse anei Company te’n Cocaine vankham amuh uhciangin Police te azaksak uh kici hi. Tua Company te’n Shipping Container tungpanin Cikhum (Sugar) asuahkhiat laitak un vankham akikoih Sport Bags 7 mukhia uhhi. Amuh phetin tua Warehouse Company te’n Police te zasa pahuh cih kiza hi. Ahi zongin Myanma Alinn te’n tua Company ii aminpen pulak khialo uhhi.

Shwepyithar Township sungpan Lawmaker U Yan Aung Min in agenkhiatna ah Industrial Zone sungpan in Cocaine vankham kimankhia kici a, ahi zongin a Company ki pulak khialo cihi.

Abeisa February 16 ni inzong palik te’n Cocaine 250 kilograms (551 pounds) mankhiakhin uh a, tua amattezong tutung mahbang in Shwepyithar Industrial Zone sungah akipua cikhum ip te nuai ah akisel cihi.

Shwepyithar Industrial Zone sungah vankham Cocaine amat uh akigawm in 450 kilograms (992 pounds) hita a, tulaitak amanzahding Market Price akituat ciangin US$15.3 Million bang manneiding cihi. Kawlgamsum in hileh 21 Billion bang hidin ghi.

Shipping Container amat masak uhpen Brazil gampan in honglut hi a, Singapore nawkmasa in tuakhitciang Myanmar Industrial Port alutpan cihi.

More: Mandalay ah palik te’n Pistol, thautang honkhat, vankham honkhat mankhia

Kawlgam sungah tunai vankham kiman kiza kawikawi hi. Zogam sungzong hong siansuahvet le uhmaw. ZD Sawltak #zomidaily