Malaysia, Seremban ah palik te’n migilo 2 thautawh kaplum

Malaysia, Seremban ah palik te’n migilo 2 thautawh kaplum

Malaysia, Seremban sung aom Persiaran Ainsdale Selatan lamzikpi tungah Police te’n migilo pasal 2 thautawh kaplum cih NST pan kiza hi. Tuesday zingsanglam 3:15am hunpawl in thupiang ahihi.

Bukit Aman panin Police Team te khuasung ah avakkawikawi laitak in, Jalan Labu kici lamzikpi tungah muanmawhhuai mawtawkhat mukha uhhi.

Tua mawtaw pen Honda City namte hi a, ahawlzia tuampiandiak (pongmanlo) ahih manin, Police te’nzong muangmawhpah uhhi.

Police Patrol Car te’nzong tua mawtaw pen lamzikpi anawl ah akhawlsak nadingin thupia uhhi. Ahi zongin tua Honda City pen khawlding genthadah, nakpi in hatsak vave in taisuak vingvengsawm uhhi.

Tuaciang in Police Patrol Car inzong anungpan in delhsuakpah uh a, 2 km bang aki delhkhit uhciangin Honda City pen Persiaran Ainsdale Selatan lamzikpi apangkhat ah khawlsakthei uhhi. Tuaciangin asungah atuang migilote khat hongkumkhia in Police te thautawh kap masa hi.

Adang migilo khatpa inzong temta namsau khattawh palik te satsawm hi. Tuaciangin Patrol Police te’nzong athau uh zatloh phamawh ahih manin, kappah uh a, tua migilo 2 tepen aphual ah kaplum theipah uhhi.

Tua migilo 2 te mawtaw leh apumpi uh Checking abawl uhciangin bangmah ID Card neilo, mulo uhhi.

Mawtaw nambat “Registration Plate” zong ataktak hilo in, abawltawm uh atuh athuah uh cih mukhia uhhi. Tuaban ah tua mawtaw pen Klang Valley kuamsung ah gitloh ngongtatna “Criminal Activities” aom ciangin akizang zelzelkhat cisawnsawn hi.

More: Kalaymyo sung a Misat, Phone la, Migilote vai ZYA pan Tangkona

Hihvai tawh kisai in Negeri Sembilan police chief Datuk Noor Azam Jamaludin inzong thupiang tengpen amanmah hi a, asawtlo in Press Conference kibawlding hi ci’n genkhia hi. Sawltak #zomidaily