Malaysia, Serdang vengsung Bus Stop khatah pasalkhat thautawh kikaplum

Malaysia, Serdang vengsung Bus Stop khatah pasalkhat thautawh kikaplum

Malaysia, Serdang vengsung aom Bus Stop khatah pasal khat kikaplum in tukvelval hi. Tua akaplum tepen mi 2 hi a, sanginn “Primary School” khat ii amailian aom Bus Stop ah aki kaplum hi ci’n MMOnline te’n genkhia hi.

Hihvai tawh kisai in thukan makaipi ahi Selangor Criminal Investigations Department chief Senior Assistant Commissioner Fadzil Ahmat in agenna ah tuni nitaklam 5:45pm hunpawl in Serdang vengsungah mikhat thautawh kikaplum cih hongki zasak cihi.

Seri Kembangan, SK Sri Serdang mai ah aki kaplum hi a, asipa pen kum 40s gualpawl ahihi.

Tulaitak Forensics Unit te’n hoihtak in akanciansan laitak uh hi a, bangmah athu ala genkhiattheih omnailo hi ci’n CID Chief in genkhia hi. Ahi zongin hih kikaplupna pen kithahna Murder Case in ki ciamteh hi.

Amin apulaknuamlo ageipanin amukha Eyewitness khat ii genna ah thautawh akapte pen Motorcycle tawh hongpai uh cihi. Bus Stop atun uhciangin kumkhia uh a, tua Bus Stop ah mawtaw ngakin ading pasal khat thautawh tamveipi kapziahziah uh cihi.

Thautawh akapte pen acivom “dark-skinned” kici a, asipa pen thautawh atawmpen 3 vei peuhmah kikapkhading hi ci’n thunei te’n genkhia uhhi. Asipa pen puankang T-shirt khat silhin, Blue Jeans khat ateeng hi a, Bus Stop mahah tuksuk in, ageiteng ah si kivung zihziah cihi.

CID ulianpa genna ah thautang aliangkhial khatin angeinai ah anawkkha pasal kum 30 khatzong kapkha in, anunglam liam cihi. Tuapa pen Hospital Serdang ah zatui zaha Treatment akibawlding in kipuak a, huaisiagawp samlo in, Stable Condition hi ci’n genkhia hi.

More: Malaysia, Gombak kuamsung ah palik te’n migilo mi 3 thautawh kaplum

Thautawh akaplum mi 2 tepen kumpi thunei te’n azonsan, akansan laitak ahihi. Malaysia gamsung ahzong khuasung mipi omna lakkhawng, suntangpi khawngmah in thautawh kikaplum cihbangdan thuthang hong omzeuhzeuhthei ahih manin, khuasung vaksuk vaktohna ah ahitheibang in kidawmtek ni. Sawltak #zomidaily