Update: Sentul meikang pen kitotna panin datsi buakin aki halngiat ci

Update: Sentul meikang pen kitotna panin datsi buakin aki halngiat ci

Malaysia, Sentul meikatna tawh kisai in athu akician in aki zakbehna ah kitotna panin ki hehsuah uh a, datsi buakin mei akihal cihi. Sentul OCPD Asst Comm R. Munusamy in agenkhiatna ah nitaklam 8pm hunpawl in asi numeinu pen apasal tawh Motorcycle Shop ii Office sungah aom uh cihi.

Tulaitak in pasalkhat honglut in azi tawh abeisa thukhat kikum uhhi. Tuazawh asawtlo in azi in nasem te galsap in, tua pasalpa pen apualam ah kaikhiasak hi.

Tua pasalpa zong hehkawmsa in ama Motorcycle koihna ah paiphei a, datsi akikoih bungkhat tawh kilehkik hi. Tua bungsung panin datsi tawh Motorcycle Shop teng thehphei in, numeinu zong datsi tawh buakphei hi. Tualaitak in ageinai ah amukha te’n letsawm, khaamsawm uh himahleh tua pasalpa in meisah “lighter” saat in mei ahalngiat ahihi ci’n Police thunei te’n genkhia hi.

Tua mei akihalna hangin numeinu asi hi a, tuaban ah meihalpa, numeinu ii apasal leh nasem khatzong meikuang in nawkkha in aliam uh cihi. Meihalpa leh asinu ii apasal pen khua phawknailo ahih manin, aphawkkik hunhun in amaukiang panin Statement kilading a, buaina thu akipatna ki kankhiading cih ki zakbeh hi. Sawltak #zomidaily

Malaysia, Sentul aom Motorcycle zuakna meikang, numei khat kangtum

Malaysia, Sentul vengsung aom Motorcycle zuakna saikhat zanni Tuesday zanlam in meikanggawp a, numeikhat kangtum cih Bernama pan kiza hi. Tua Motorcycle Shop pen Jalan Sentul lamzikpi tunga om hi a, akangtum numei pen kum 40 gualpawl hiding kici hi.

Kuala Lumpur Fire Operation Division assistant director Ruhisha Haris in agenkhiatna ah mihing akangtum meihol asuak khat kimukhia in, tuapen kua hiding cih amin apuam kitheician nailo cihi.

Meikatna Motorcycle Shop pen inndawl 4 apha Four-storey Building khat ii Ground Floor ah hi a, tua akangtum numeinu pen Motorcycle Shop ii Counter nungah aom hiding in ki ummawh cihi.

Meikat akipat laitak in tua numeinu leh pasal 3 te Motorycle Shop sungah aom kici hi. Adang pasal 3 te lakah khatpen Pakistan gammi hi a, adang 2 tepen Malaysian gammi kici hi. Tua adang pasal 3 tezong liamgawp, mei kanggawp uhhi ci’n Fire Station thunei te’n genkhia hi.

Video: The charred remains of a woman, believed to be a local in her 40’s, were found following a fire which gutted a motorcycle shop in Jalan Sentul here last night. According to Kuala Lumpur Fire Operation Division assistant director Ruhisha Haris the remains of the victim, yet to be identified, was found next to a counter in the shop which was located on the ground floor of a four-storey building.

Tuaban ah tua meikatna Building ii atungdawl nasemte omna “Workers’ Hostel” ah aom Indonesia gammi numei khatleh Pakistan gammi pasal khatzong meikatna hangin liam uhhi.

Fire Station thunei te genna ah zanni nitaklam 8:42pm hunpawl in cimawh huhngetna Distress Call hongki zasak in, Sentul, Titiwangsa, Hang Tuah panin Fire Fighter mi 40 in ki delhhuanpah ngeingai cihi.

Ground Floor ah aom Motorcycle Shop pen mei kangtum dikdek in, inndawl 2 na “Second Floor” ah aom Clinic khatzong meikang in lawhto hi. Inndawl 3 leh 4 tepen nasemte omna “Workers’ Hostel Room” in akizang hi a, tuatezong meikang in lawhto in pawlkhat meikang hi.

More: China ah Karaoke Lounge khat meikang, mi 18 si

Mei akangtum, meihol asuak numeinu ii aluanghawm pen Kuala Lumpur Hospital ah kipuaksak a, tualai ah asihna ahang etcianna Postmortem kibawlding hi. Sawltak #zomidaily