Mexico gamsung ah mi 103 atuanna vanleng khat kia in asi omlo

Mexico gamsung ah mi 103 atuanna vanleng khat kia in asi omlo

Mexico gamsung ah zanni Tuesday ni in vanlengkhat kia a, meikuang ziahziah in vanleng pen naksiat mahmah himahleh asi kuamah omlo bilbel ahih manin lamdang kisakik mahmah cih Reuters pan kiza hi. Tua vanleng pen gial (hail storm) akiat ziahziah laitak in alengkhia hi a, alengkhiatzawh asawtlo in leilak ah akiasukkik ahihi.

Tua vanleng pen Embraer Jet vanleng namte hi a, asung ah Passenger leh Crew Member akigawm in mi 103 atuang ahihi. Nitaklam 4pm hunpawl in akia hi a, mi 97 liam in asi kuamah omlo hi ci’n Mexico kumpi thunei Authorities te’n genkhia uhhi.

Vanleng akiat ciangin apuakkhapding ki patau mahmah in, Passenger leh Crew te asuahtaktheih nadingun taikek ngeingai uhhi.

Passenger lakah akihelkha Jackeline Flores kici in Repoters te tungah agenna ah vanleng pen guah azuk ziahziah laitak in alengkhia hi a, alenkhiatzawh asawtlo in kiasukkik cihi. Amahpen atanu khattawh hi a, vanleng sungah meikhu leh meikuang tawh akidim laitak in Fuselage avangkawm panin ka pusuakthei uhhi ci’n genkhia hi.

Video: An Aeromexico flight crashed on takeoff during a heavy hail storm in northern Mexico, engulfing the plane in flames and injuring 97 people, officials said Tuesday (Jul 31). The Embraer 190 aircraft, which was operating between Durango and Mexico City and crashed around 3:00 pm local time (20:00 GMT), was carrying “88 adults, nine minors, two infants, two pilots and two flight attendants,” the airline’s director general Andres Conesa told a news conference.

Vanleng sungah naupangno 2 zong kihel a, tualak ah numeino khatpen akhe meikang in kapkawm vangvangsa in apusuakzong kamu hi ci’n Jackeline Flores in genkhia hi. Amahpen Mexican hi a, ahi zongin Colombia, Bogota ah ateeng khat ahihi. Ama Passport leh Document laithupi honkhatzong vanleng akat ciangin meikuang lakah kangtumkhawm cihi. Pasian in hong ompih, Pasian thupha tawh asuakta kahi uhhi ci’n genbeh hi.

Durango Governor José Rosas Aispuro in agenna ah vanleng ii aveilam pangka in leilak kisatsuk masakna in, tuakhit ciangin Engine 2 tezong kitatsuk cihi. Passenger tepen vanleng akuanggawpma in pusuakthei bilbel uhhi. Ahi zongin vanlenghawl Pilot papen nakliam simsim cih kiza hi.

More: Myanmar galvanleng khat ahawl akisin laitak kia, ahawlpa si

Airport Operator te genna ah hih vanleng akiatna ahangpen khuahun ahoihlohman “Bad Weather” hang hi ci’n genkhia uhhi.

Hih atuahsia vanleng pen Brazil te bawlkhiat hi a, Brazilian Aircraft Manufacturer Embraer te’nzong vanleng tuahsiatna aphual ah athu akancian dingin Dispatch Team te kipaisak khinta hi ci’n genkhia uhhi. Sawltak #zomidaily