Setkahlei tungah Selfie kizaihding buailuatna tawh anu in anautawi kiatsuah

Setkahlei tungah Selfie kizaihding buailuatna tawh anu in anautawi kiatsuah

Selfie leh Wefie kizaih ukluatna hangin atuahsiatlawh, asihlawh kizathei zelzel hi. Nungkalsung inzong India gamsungah innkuankhat Selfie (ahih keileh Wefie) kizaihna tawh buailua in, anu in akhutsung ah atawi atangek kiatsuah cimawk hi.

Nungkal Thursday ni in India gamsung aom Shopping Mall khatah thupiang kici hi. Tua nupinu ii atawi atangek pen kha 10 bekbek aphapan ahihi. Setkahlei “Escalator” tungah atuankawm un Selfie akizaihsawmna panin anu in atangek khahsuah, kiatsuah in atangek in sihlawh cimawk hi.

Media tuamtuamte Report gelhkhiatna ah tuate innkuanpen tuahsiatna apianma inzong Selfie akizaih kawikawi uh kici hi. Escalator tungah akahtohma unzong Corridor kiu ah a innkuan un Selfie kizaih masa uhhi.

Daily Mail UK te pulakna ah Rajasthan State, Ganganagar District sungaom Shopping Mall khatah thupiang ci uhhi. Tuani in tuate innkuanpen atangek uh Clinic ah Checkup bawldingin paipih masa uhhi. Tuakhit ciangin Shopping Mall ah avaksuak uh kici hi.

CCTV Footage aki etkik ciangin tuate innkuan pen Escalator tungah akahtohma un Walkway akiukhatah Selfie kizaihphot uhhi. Tuakhit ciangin Escalator ii aphung ahzong khatvei Selfie kizaihkik leuleu uhhi.

Ageinai panin amukha Witness khatin agenkhiatna ah apasal in azi kaingah Escalator tungah atuankawm un Selfie kizaihding ci a, tuakawmkal ah azi in akhutsung ah atawi atangek akiatsuah cimawk hi.

Video: A 10-month-old baby was caught on video falling to her death at a shopping mall in India on Thursday, after she slipped out of her mother’s arms while on an escalator. The incident occurred while the parents were preoccupied with taking a selfie, media reports said.

https://www.youtube.com/watch?v=Lk0ku4V43mM

Tua atangek akiatsuahna pen inndawl 3 Storey pan ahihi. Atangek akiatsuk ciangin taangban khutletna “Railing” tawh kisatsuk masa a, tuakhit ciangin anuai leilak ah kiasuk in naungek pen aphual ah sipah cihi.

Abeisa Janaury khasung inzong India gamsung ah pasalkhat meileng tawh Video Selfie akizaih laitak in meilengin nawkkha hi. Silo bilbel in, ahi zongin Rupee 500 kiliausak sawnsawn hi.

More: Phone limetlua numeikhat Escalator ah tuksuk in khuaphawklo

Carnegie Mellon University leh “Indraprastha Institute of Information Delhi” te’n Study limtak abawlna ah India gampen Selfie hangin atuahsia lehasi atampenpenna gamhi cih mukhia uhhi. Selfie kizaih ukte kidop huai mahmah cih kiphawksak zelzelni. Sawltak #zomidaily