Sehnel tunga kilam leh suang tunga kilam ~ Tdkhen

Sehnel tunga kilam leh suang tunga kilam ~ Tdkhen

SEHNEL
1. Amah ki-en lo-a mi citeng a en kawikawite pen kingakh-na kician neilote hi-a, thu haksa khat in nawk khaleh a buai ding hi.

2. A hoih lam bekbek en a, hun a hoih den dingin ngaihsutna. Teek’ ciang, huai’ ciang bekin a ki si thei dingin ngaihsutna. Sum itna, paai itna lianin, innsung mimal kisapnate don lo-in mawk ci’l-na. “Mihing leh papo” acih Paunakte phawk khak lohna hi.

3. Ih pil i-siamnate, i-hauh i-liatnate, i-cidamna i-thahat-nate, i-daupaina i-matut-nate kilung muanpih kha thei hi.

4. A neite in bang acihleh tua ci-neiha, a hi-te in bang a cihleh tua ciang hithei hiam, cihte kan sese lo-in, mite’ neihsa, mite’ hihnate mawk e’n-na ahi hi.

5. Uangtatna,, uangzatna, kithupi lat nopna, neih zahzah pholaknopna, mite’ thupi muh ding lungngulhna, a hawm’cing a zek’cing lam sangin, a min nei, a mual nei ding lam bulphuhnate ahi hi.

SUANG

1. Mite’ a’-leh ama’ a’ telcian ahihmanin buai ngei lo hi.

2. Huihpi tuihualte in nawk hun hong nei hi cih telin, hunhoih sungin zong a sim khauh gige hi. Damlo zawngkhal kha-leng ci-in a zi, a tate’ a’ding a geel khol hi.

3. A sepna khat peuh kigensiat sak taleh, “Mite’ mit amau’ mailam ding etna, kei’ mit kei’ mailam ding etna” ciziau lelin, a kingakh-na leh a ngimna tel ahihmanin buai lo hi.

4. Mailamah bang hong piang ding cih kiging den a, a sia pen a’dingin zong a kingap gige hi.

5. Huihpi tuihualte a tuah ciangin, “Kei kip peuh leng” ciziau lo-in, huihpi tuihualte’ taihte a khoh zo ding dongin, kigih bawl’, kikip bawl’in, haksat hunah mithanemte a suahtakpih thei hi.

Thu tawpna:-
“PUMPI NUNTAKNA TAWH LUNGKIM A, KHA A’DING DON LOHNA” Tdkhen