Australia gamsung thukizakna “SBS Radio” ah pau nam 7 ki behlap

Australia gamsung thukizakna “SBS Radio” ah pau nam 7 ki behlap

2016 kum Australia gam bup Cencus tawh ki zui in, SBS Radio ah Pau nam tuam tuam te tawh radio thu suah sak na ki beh lap to to aa, tu tung in zong minam neu te in, a mau Pau tawh radio thusuah sak na thak SBS Radio Channel pan in beh lap uh hi. May kha bei in hun khat ta ngah ta ding uh hi. Tua a ki beh lap te in:

• 1. Telugu
• 2. Karen
• 3. Tibetan
• 4. Hakha – Chin
• 5. Rohingya
• 6. Mongolian leh
• 7. Kirundi (or) Rundi

Kirundi minam te pen Africa nisuah na lam Burundi gam mi te hi in, 2011 Cencus lai in, mimal 2740 bek pha na pi, 2016 kum ciang minal 3100 ah khang to a hih man in, mun a ngah thei a hihi. Hakha- Chin pau zong pen Australia gam bup ah mimal 8000 val bang pha uh aa, Karen te pen 20000 val bang pha khin uh hi. 2021 kum ciang in Cencus om kik ding hi. Sr: https://www.sbs.com.au

Behlap :: Tua a hih man in, minam sung ah ki pawl khop ding thupi aa, Cencus pan in thu ki khen a hih man in, Australia gam bup ah mimal 3000 val phak ding ki sam aa, tua pen pau ki bang , minam ki bang ii hih ding thu pi hi.

Tua a hih man in, Zomi te bang ci bang in, Cencus ah pia ii hiam? Mimal 3000 bang ii pha nai hiam? Zomi or Tedim – Chin ah pia ii hiam? cih ngaih sut huai taa hi. Tua bek tham lo mimal khat le nih ii sep theih hi nawn lo a hih man in, ki khen khen hun hi nawn lo aa, ki pawl khop hun a hihi.

More: Australia University khatah Durian gimnam pen Gas akeh kisa in mi 500 val kihemkhia

A tawp na ah pau ki bang a hi Zopau( Tedim pau) a thei/ a tel te khem peuh in lawng khat in ii din ding hun hi aa, tua dan in ii din kei leh 2021 Cencus ciang zong ki hih zo nai tuan lo ding hi. Official tawh thu ki khen zel a hih man in, official mah ii zat siam kul hi. Lamh Kim Samte