Australia University khatah Durian gimnam pen Gas akeh kisa in mi 500 val kihemkhia

Australia University khatah Durian gimnam pen Gas akeh kisa in mi 500 val kihemkhia

Ngapik pen Kawlte atamzaw in limnek mahmah, lim samahmah, ahihhang aduhlo te adingin uihmahmah. Gataam zong aduhte’n namtuisa, aduhlo te’n uihsa.

Australia gamsung aom sanginn khatah Durian ngimnam akizak ciangin Gas akehkhia hidinghi ci’n ki pataugawp in sangnaupang mi 500 bang ki taikeksakgawp cihi. Durian singgah pen Chinese te’n limsa mahmah, limnek mahmah uhhi.

Ahi zongin aduhlo te’n uihsa mahmah, agimnam pen ekgim tawh kisangsa, Gas uih bangin namsia saliang uhhi.

Australia, Melbourne khuapisung aom University khatah Saturday ni in Durian gimnam akizak ciangin, Gas akehkhia “Gas Leak” om hidinghi ci’n sangnaupang leh sangsia akigawm in mi 500 bang patau in ataikekgawp uh ahihi.

Latrobe Street aom Royal Melbourne Institute of Technology (RMIT) University Campus sungah nitaklam 3pm hunpawl in thupiang ahihi. University Campus sung aom laibusaal “Library” sungah Gas tawh akibang agim anamsia akizak ciangin ki lunghimawh a, meiphelhsiam Firefighters te akizasak ahihi.

Fire Brigade te genkhiatna ah sanginn huangsung ah alauhuai Dangerous Chemicals pawlkhat kikem ahih manin, agim namsia mahmah akizak ciangin aki lunghimawh hi ci’n genkhia hi.

Kumpi thunei te’n hoihtak sitcianna aneihkhit uhciangin tua agimnamsia mahmah, Gas kehtawh akibangpen Durian ahihlam mukhia uhhi. Tua Durian singgah pen Cupboard sungkhatah akikoih hi a, agim akhauh kawmkal ah muatsawnsawn ahih manin, agimnam uihlua mahmah in Gas Leak tawh agimnam kibangin aki pataugawp ahihi.

Durian pen singgah khempeuh ii kumpipa “King of Fruit” kiciliang in, agim anamsiat mahmah hangin tamman mahmah sawnsawn hi.

Firefighters te’n hoihtak sitcianna aneih uhciangin tua Durian ngimnam pen Air-conditioning System panin huihlawng sungah lutkha in, tuapanin Library sungdong ah agimnam aki thehzak ci uhhi.

More: Malaysia ah Kawlgammi khatin alawmte thatlum ahih manin matdingin kizong

Durian gimnam hangin sangnaupang te apualam ah ki pusuak khiasak a, nai 3 khitciangin ki lutsak kikpan cih The Sydney Morning Herald pan kiza hi. Chinese te’n aduh phadiak, lim asak mahmah Durian pen Gas Leak kisa hiliang hi. Lim ihsak mahmahkhat, ahih keileh amel hoih ihsak mahmahkhat….. Sawltak #zomidaily