London ah Apartment innsangpi khat meikanggawp in mi 30 val liam

London ah Apartment innsangpi khat meikanggawp in mi 30 val liam

London khuasung aom inndawl 27 apha “27-storey Apartment block” khat tuni Wednesday zingsanglam in meikanggawp cih SCMP pan kiza hi. Meiphelh Fire Brigade te genkhiatna ah hih meikatna ah meiphelhding in Fire Engines 40 leh Firefighters mi 200 in phelhhuan ngeingai cihi.

Hih meikatna pen London khuasung, Grenfell Tower vengsung ah hi a, hibangdan innsang adang Flat 120 bang aomna vengkhat kici hi.

Fire Service te’n Twitter tungah agelhkhiatna ah meikangpen inndawl 2 na panin atunglam ah inndawl 27 dongin kangto, kuangto gawp cihi.

CNN te Report na ah Building tungpanin mi honkhat lengkhia ziahziah uh cihi.

Hih meikat laitak Video Record zong kibawl in, Social Media ah ki khahkhia a, meikuang pen lauhuai zaizai mahmah hi.

Hih mei akang Apartment Block pen 1974 kumin akilam cihi.

Metropolitan Police te genkhiatna ah hih meikatna aphual mahah meikhu adikkha gawpte kikem, kahuh in, aphualteng zong Police te’n umcippah uh cihi.

Amazing Spaces panin Presenter George Clarke in Radio 5 Live ah agenkhiatna ah ama omna leh hih meikatna pen 100 meters bang kigamla a, ahi zongin vut in hong tuamcip cihi.

Zingsang kalup laitak hi a, “beep, beep, beep” cih aging kazak ciangin innnuai ka kumsuk sawm hi. Car Alarm ahiam kacihleh Windows pan ka etkhiat ciangin innkang nahimawk hi.

Meikatna munleh ka omna pen meter 100 val bang ki gamla himahleh vuikhu, meikhu leh vutvui tengin hong tuamcip mang hi.

Akhasiat huai mahmah ah tua meikatna innsangdawn ah mi pawlkhat awkcip uh a, akhut uhah datmei phiasak zakzak uhhi. Ahi zongin tuate pen ki honkhiazo dingin ka lamen kei hi ci’n genkhia hi.

Ahi zongin Emergency Service te pulakkhiatna ah tua meikatna pen London Grenfell Tower hi a, mi 30 val liamgawp uh cihi. Asi bangzah cihpen pulaklo uh ahih manin, asi omlo hiding in ki ummawh phot hi.

Video: #BREAKING Massive 24 storey Grenfell Tower block fire in West London on Latimer Road

https://www.youtube.com/watch?v=E7FSFEAJasU

London Ambulance Service panin thunei khat ahi Assistant Director (Operations) Stuart Crichton in agenkhiatna ah London khuasung muntuamtuam aom Hospitals te ah akipuak kawikawi pen mi 30 bang phakhin cihi.

Hazardous Area Response Team leh Ambulance Crew zong akigawm in mi 20 bang aphual ah ki omsak cihi.

Hih meikat laitak in innsangdawn ah mi pawlkhat puankang huihlak ah lamto uh a, huhna angen pawlkhat ki galmuh hi ci’n avengnai aom te’n gnekhia uhhi.

More: London khuasung muntuamtuam ah gitloh gamtatna, buaina tampi piang

London Police te genkhiatna ah hih meikatna vaitawh kisai in zingsang 1:16am hunin hongki zasak cih genkhia uhhi. Tusungteng London khuasung ah buaina hongkizom mahmah hi. Sawltak #zomidaily