Atlanta, Charlotte, Nashville, Raleigh-Durham khuapi te ah Google Fiber Internet ki ngah tading
Google Company te’n US gamsung aom khuapi pawlkhat ah Internet Speed amanlantheih nading in Fiber-optic Network asinzawh uhpen kum 5 bang hita hi. Tulaitak Google Fiber azangkhin khuapi tepen Missouri State sung aom Kansas City, Utah State sung aom Provo leh Texas State sung aom Austin khuate ahihi.
Google Fiber tawh Internet akizat ciangin manglang zetzet luamahmah cihi. Tulaitak akizangzang ahi Basic Broadband te tawh Internet Speed atehkak uhciang in kikhailua mahmah hi. Bangzah in kikhai hiam cihleh Google Fiber pen azah 100 bangin manglangzaw ahih manin, zatnoplua mahmah cihi.
Kansas City leh Provo khuapi te ah hih Google Fiber te bawlsak Gigabit Internet hangin nahoih tampi kisemkhinzo ciliang hi. Sangnaupang te adingin Classroom sungah phattuamna apiak banah sumzong paaizong te adingin metna tampi kimu theikhin hi.
Tuahi in atunga Google Fiber azangkhin khuapi 3 te banah tu in Atlanta, Charlotte, Nashville, Raleigh-Durham khuapi te ahzong Google Fiber ki zopbehding cih Google te’n tangko khiata uhhi.
Tuateng banah Phoenix, Portland, Salt Lake City, San Antonio, San Jose khuapi te ahzong tukumbei lampawl ah Google Fiber ki zopbeh khading cihzong genkhia uhhi. ZD Sawltak #zomidaily
Comment piaknop aomleh...