San Francisco ah numei khatin Herbal Tea adawnleh si
USA, California State sung aom San Francisco City ah numeikhat in cidamnading ci’n Herbal Tea adawnleh aci nagawp in anunung ah sihlawh cih Fox11 pan kiza hi. Tua Herbal Tea pen San Francisco City sung aom Chinatown pan alei hi a, zatuiding in ahoih akici Medicinal Shop pan alei hizawmah laihi.
Asi numeinu pen Yu-Ping Xie kici minnei khat hi a, kum 56 aphakhin San Francisco khuasung ah ateeng khat ahihi. Hih zatuiding in ahoih Herbal Tea pen Sun Wing Wo Trading Company kici 1105 Grant Ave aom Medicinal Shop pan alei ahihi.
Herbal Tea adawnkhitzawh aci nagawp in February kha akipan zato alumcip cihi. Tua a zato lupna mahah nung Saturday ni in sita hi ci’n Health Authorities te’n genkhia uhhi.
Hihbang sihtheihna piangtheimawk ahih manin Health Inspectors te’n tua Herbal Tea pen zuakding phalnawnlo uh a, vanzuakna panin hemkhiasak uhhi.
Store Employees te’n San Francisco City’s Health Department tetawh hih Herbal Tea zatui pen koibangdan in guza suakthei, Toxic Ingredient kihelthei cihpen limtak in kankhiatsamw uhhi.
Investigators te genna ah hih guza akihel Poisonous Ingredient pen “Aconite” kici a, tuapen Helmet Flower panin akibawl cihi. Tua Helmet Flower pen “Monkshood” zong kici hi.
Hoihtak in akibawl hileh tua Aconite tepen tawmcik nekziau tawh natna leh liamna te damsakthei cihi.
Adang kum 30 aphakhin pasal khatinzong hih Herbal Tea namte mah lei in dawnkha ahih manin zato tunlawh cihi. Ahi zongin tuapa pen damkik a, March 12 ni in zato pan tuakkhin hi.
Health Officials te genna ah tua Herbal Tea adawnkha nihte pen a zatui lei uh akibatlian lohhangin, asung ah akihel Ingredient tepen kibatna om cihi. Herbal Tea aleina uh sai zong Sun Wing Wo Trading Company panmah in aleituak uh ahihi.
More: Kawlgam Tanakha kidop huai ci’n New York zato khatah Warning kisuang
Senbawl zatui leh Kawlbawl zatui tepen khatveivei lauhuaisim khinkhian theihi. Herbal Tea leh Ginseng cihte pen asit taktak ahihkeileh lauhuaituak simtham hi.
Nungdiak inzong New York aom zato khatin Kawlgampan akibawl Tanakha te kidop huaihi ci’n Warning lai suang uhhi. Singapore ahzong nungdiak mahin Kawlbawl “Ananda Thukha” zatui namkhat zat huailo hi ci’n genkhia uhhi. ZD Sawltak #zomidaily
Comment piaknop aomleh...