Malaysia Airlines te vanlengkhat Sibu Airport ah apei taalgawp, aliam omlo

Malaysia Airlines te vanlengkhat Sibu Airport ah apei taalgawp, aliam omlo

Kuala Lumpur Airport panin Sarawak, Sibu Airport zuanin aleng Malaysia Airlines khat atukding ciangin guahtamlua mahmah ahih manin apei taalgawp cih theStar pan kiza hi. Tua vanleng pen Boeing 737-800 Aircraft namte hi a, asungah Passengers mi 61 leh nasem Airlines Crew mi 6 atuang ahihi.

Flight Number pen MH2718 hi a, zanni Saturday nitaklam 10:17pm hunin Sibu Airport ah atuksawm laitak in vanleng tainading in akibawl Runway panin pialkhia in, apei taalgawp hi.

Asung aom mikhempeuh kahlei tawh hoihtak kikum theilo ahih manin, vanleng apanglam aom “slide rafts” nihte kizangin ki tolhkhiasak hi.

Hih Malaysia Airlines buaina apian laitak in adang vanleng atu leh alengkhia omlo bilbel hi. Tuaban ah Passengers leh Crew tezong kuamah aliam omlo cihi.

Sibu Airport manager Zainuddin Abu Nasir in agenkhiatna ah Malaysia Airlines ah Passengers te ii Safety pen athupipenpen hi a, hih Incident buaina apianna pen ahang amanlang in ki kankhiading hi ci’n genkhia hi.

Malaysia Airport te’n Statement akhahkhiatna ah Sibu Airport pen Sunday ni zingsang 10am dong ki khakcip photding hi ci’n pulakkhia uhhi. Khualzinding Passengers te’n na vanleng uh ahun akikhelhiam, Flight Status na enphakik un ci’n zaksakna nei uhhi.

Hih atuahsia vanleng tungah akihelkha Passenger Muhd Badrul Aman akicipa in Facebook tungah agelhkhiatna ah vanleng atukdan lemhetlo himahleh Passengers khempeuh aliam abaai omlo hi ci’n gelhkhia hi.

More: Malaysia vanleng MH370 amancip zawh kum 3 cingta

Amahpen azi leh anu tawh khualzin in hih vanleng tungah atuangkha uh hi a, “Thank God we are all safe” ci’n gelhkhia hi. ZD Sawltak #zomidaily