Russia gamsung Moscow khuapi ah vanlengkhat tuahsiat in mi 41 in sihlawh

Russia gamsung Moscow khuapi ah vanlengkhat tuahsiat in mi 41 in sihlawh

Russia gamsung Moscow khuapi sungah vanleng khat akumsuk laitak in kiasuk in, meikuanggawp ahih manin mi 41 takin sihlawh cih Reuters pan kiza hi. Tua vanleng pen Russia te ii vanleng hi a, asi lakah naupang 2 zong kihel uhhi.

Hihvai akancian ahi Russian Investigators te’n agenna ah tua vanleng pen buaina aom ciangin amanlang in Emergency Landing bawlin, Moscow Airport ah akumsuk hi a, tuapanin mei akuanggawp hi ci’n genkhia uhhi.

Hih vanleng atuahsiat laitak pen Russia Television ahzong ki suaksak in, tua vanleng Sukhoi Superjet 100 pen Moscow Sheremetyevo Airport ii vanlengtaina Tarmac tungah akumsuk ciangin ameilam meikuang kipanin tuakhit ciangin thakhatthu in puakkhamzai hi.

Vanleng sungah atuangkha Passengers honkhat amanlang in Emergency Slide ki tolhkhiatna panin ki tolhkhiapah ngeingai uhhi.

Tua atuahsia vanleng pen Moscow City panin Murmansk City kikal alengzel hi a, hih atuahsiatni in vanleng sungah Passenger mi 73 leh vanleng sungah nasem Crew mi 5 atuang uhhi ci’n Russia’s Aviation Watchdog te’n genkhia uhhi.

Video: It was a harrowing scene on the runway at Moscow Airport as a passenger plane coming in for a landing wound up engulfed in flames. Russian authorities confirmed that 41 people are dead. CBS News’s Mola Lenghi reports. (5-5-2019)

Vanleng sungah Passenger leh nasem akigawm in mi 78 atuang lakah mi 37 bek suaktathei uh a, adang mi 41 te’n asihlawh uh ahihi. Hih vanleng tuahsiatna ahang akician taktak in kitheinailo hi. Investigative Committee te genna ah athu aki kansan laitak hi a, vanlenghawl Pilots te ii zuihding thukhun azuihloh omkhahiam cihtezong limtak ki enphading ci uhhi.

Ahi zongin hih vanleng sungah atuangkha Passenger khatin agenkhiatna ah vanlengpen alenkhiatzawh asawtlo in kek in dengkha “lightning struck” hi ci’n genkhia hi. Tuaciangin amanlang in Emergency Landing bawldingin aki lehkik hi. Vanleng sungah atuangkha khempeuh ki lauthawnglua mahmah ahih manin, pawlkhat asibup akhuaphawk nawnlozong omhi ci’n genbeh hi.

Vanleng pen Emergency Landing abawl ciangin kauphe bangin tuanlaulau liangin, tuakhitzawh asawtlo in meikuang akipan hi ci’n kigen hi. Passenger tepen laulua mahmah uh ahih manin, awnggawp, kugawp in ki patau mahmah hi.

More: Russia te vanlengkhat kia, asungah atuang mi 71 avekin si

Russia President Vladimir Putin leh Prime Minister Dmitry Medvedev te’nzong atuahsia te dahpihna pulakkhia uh a, amanlang in tuahsiatna athu kancianding thupiakhin uhhi. Sawltak #zomidaily