Thumaanna leh cihtakna tawh nahoih sepna in mitampi noptuamsak
Thupatna
Thumaan na leh cihtakna thu Zomisungah akigen teh Pasian thu bulphuh in gen na lam vive ahihi. Lungsim puak zia zuau ngeilo ding deihna zong ahihi. Tua ahih teh thumaan na leh cihtakna tawh akisemkhia mitampi noptuam na phat tuamna hongpia thei te thuzong kan huai mahmah ahihi.
Nidanghun thumaanna ,cihtakna nasep pawl khat
Mihing te in ngaihsutna tawh nasep theih masiahsiah vangliatna thu, kimuang mahmah hun khat om ngei hi. Zomisung ah Dahpa tangthu ah dahpa khuang thute Lengtong hoih tangthu ah anau Munei Thangdal siamgatna ciam peek tawh sat’ that in aguh kingking aci teng khol a, kukkuk acing pai hina pi, Nisagih cin teh amel hoih mahmah tangval tho khia thei sak hi. Ngal Ngam leh Hangsai zong ai vive tawh natuamtuam bawl khai thei a ahihi.
Moses in vanglian pa thupiakna tawh Santuipi khawlsak thei, Suangpi teikhut tawh akhawh leh tui luang sak thei, Tua mahbang in Jesus in Ngasa nih leh mohlum nga tawh mitulngabang nekkhom ding an lum piangsak thei hi. Hih bang hun te ah Mihing te ngaihsutnatawh bangmah kisep theiloh hun ahihi.Pasian in laipian pa tungah dawihawl khiatna ding thupia in tuapan Zomi tampi noptuam na kingah thei ki suak hi.
Tuhun thumaan na leh cihtakna nasep
Mihingte ngaihsut naseptheih ding in Pasian in mipil hongpia hongpiang sak leuleu hi. Mipil te in thumaan tak leh cihtakna tawh nasep khiatna hongneih theih hunteh Vangliatna tawh nasep zia alamdangte daizaw in’ mipil te khuak pan hong luang khiaalamdang nasep kipan leuleu ahihi.
Nek theih mehteh mehgah te, singgah limnono te tuhun teh Zogam ah Pasian piansak bangbang bek in kinelai hi a, akhangto gam ah ahih leh mitampi neek theih dawn theih ding mihingte angaihsutna khuak Pasian in nasiansuah sak zo ahihi.
Mihing ngaihsutna khuak ah theihtheihna ,teltheihna thuhoih hong omciang in Leimong khat leh Leimong khat a, om mite kiholeng kizalo ding kimlai awte kizathei ding in Pasian in mipilte ngaihsutna khuak sungah khasiangtho nasephoih mahmah guan in tu in Internet, Phone, leh Mial tuamtuam kizopna hong om a, Mipil te in leitungsiansuah sak hongsuak ahihi. Nopcisak Etlawmsak Pasian bawl mihing te akizomdimdiam ahihna kilangsak hi.
Tuipi lianpipi te tungah lampai theih nading Tembaw golpipi tetawh tuisung tuitung ah lampaitheih nading in tuisung lutthei setvan tuamtuam tawh cihtakna nasep nakilangsak hi.
Electronics vante in zong khanei hi gige hi
Mivom mikang minam kim in leitungah amau omna tenna khuate siansuah uh a, vanholh in innhoih lamin asungah CCTV, TV, tui adeihdeih na munmun ah alum avot aluangziahziah theih ding in bawl in ki siansuah uh hi. Hibang apian theih nading in Pasian in Engineer te ngaihsutna ah khuak siansuahna koih zo ahihi.
Mihingte ading sun lehzan meitang ziahziah thei ding in mipil te tungtawn in ngaihsutna khuak ah’ khuate leh innte asiangtho theithei ding leh azat nuam theithei ding ngaihsut theihna ding kisian suah theihna khuak Pasian in pia ahih man in gamkhangto sak suak uh ahihi.
Leitung mihing te khuasakna sung ah athupi pen mah semmasa ( put fist thing fist) nading tuhun in olnotak in nasep theihsakna (comfort zone) lam ah mite kisiansuah uh hi. Na innsungah TV te , leh DVD na hon zelzelte Remove Control tawh na om namunmun pan in namek ziauziau aa, nadeih bang in nakhin thei ,nalaih theihi. Tua ahih man in tuhun electronics vante in zong mittawh kimu thei lo nate tawh kizom ahihman in khasawl na ngah (or) Kha nei nahihi cih ding ahihi.
I kikholh pih ding te lungsim theihtelna kisam
Tua mahbang in tuhun khantohna ah gamlapipi sum leh paai bei kulsese lo in thumaan na leh cihtakna tawh ngaihsut hoih nasep theih vannamte bawl khiat theih na neih leh mitampi alungdam sak te ihihi. Tua in mitampi alungdamsak adik apha athumaan acitak teltak in khensilsial thei ( Feel better able to cleary discern what is authentic and honest for relation to people) kitel semsem ding ahihi.
Mihingte bawl khuapi sung kongzin kizopna te kongzin tungah ah apai,atai mawtawte, meilengte’ vangsangdawn ah vasang bang in lengthei a, mitampi te pua in khuapi muntuamtuam hong kawmsak thei vanleng te in Pasian piak mipil te ngaihsutna pan hong pai khia mitampi noptuam hongpia mipil te thusuak ahihi. Hibang dinmunciang thusuak nei Zomisung ah ki omnailo a mipil thusuaknei ikisam hi.. Ihneihsa Gullu mualpi sungpan in Pasian hongpiak sa namanpha te lakkhiat theihna thusuaknei mipil ikisam hi.
Mihingte noptuam omlo ngaihsutna te pelh huai
Tua ahih man in kim leh paam ah Pasianpiak pilna tawh akibawl ngaihsutna thusuak te in nalamdang vive bawl khia ahihi. Mihingte zat ding vantuamtuam zatui zahaa abawl thei thusuaknei mipil te in atangzai leh apicing amanpha thumaan na leh cihtakna thuthuk thusuak nei ahihi. Akhangto mipeuh man in alian atangzai amanpha nate theihtheih na khuak nei ( a successful man possesses a great spritual understanding) leh ateldik khinsa ahihi.
Nang ading in lungsim khamuanna kip neih nakitelciang in phattuamna hong pia lo ngaihsutna khuak thusuak leh lungsim te akisambang in pelkhia hepkhiat theihna ( reject every thougth and every mental reaction) kisam ahihi. Tua maikhak phattuamna hongpia lo in thumaanna lampi zuisak lo thusuak hi a, Cihtakna nasep ding sauvei utlo in itna kiamsak, masuan kician neilo mi asuak thei hi. Tua man in mitampi noptuam sak theihna thusuaknei mipil ngahkhalo tangkhalo in tanglaihun a, Pasian vangliatna tawh nasep nate bang aa nitawm in agenbangbang apiang pahhanhan ding sa uh ahihi. Hihbang te tawh sau vei kikhawl kha mite ngaitsutna khuak kisia thei a, mitampi genloh zi leh pasal, tate ading in zong noptuamna nasep sem theilo thei ahihi
Thukhupna
Tua ahih man in thumaan na leh cihtakna in kiim leh paam ah na muh nazak nate sung ah etteh theih ding na tampi te khingkhai kawmsak a, nasepna in mitampite noptuamsak thumaan na leh cihtakna akimuthei ahihi.
Hau Thang
Comment piaknop aomleh...