Russia in Smerch leh Uradan Heavy Multiple Rocket puahphatnading Stealth Cloak thuahbehding

Russia in Smerch leh Uradan Heavy Multiple Rocket puahphatnading Stealth Cloak thuahbehding

Jan. 17, 2017: Russia in Smerch leh Uragan heavy multiple rocket launchers kicite galte’ satellite leh radar in a muh/man theih lohna dingin ventilation, fire control, power supply and heating system tawh kithuah Stealth cloak invisible tents kici bukno kimu thei lo tawh puahpha ding hi ci-in Moscow pansan newspaper Izvestia in suaksak hi. Hih bangin ventilation, fire control, power supply and heating system tawh kithuah Stealth cloak buknote (tents) 8 pen Ussuriisk a om Eastern Military District missile brigade kici galkapte zat dingin kipiakhia ding hi. 338th Brigade ten Uragan multiple rocket launchers battery 18 nei uh hi.

Russia in tu lianin 220mm Smerch kici 200 leh 300mm Uragan long-range rocket launchers 100 val Russian Armed Forces-te zangsak ta hi. Izvestia newspaper ten Defense Ministry a interview na-ah Defense Ministry in hih multiple rocket launchers galvan zangte tungah satellite leh radar in a muh theih loh ding bukna “invisible tents” Stealth cloak tu kum bei ma-in a zat dingun kipiak beh ding hi ci hi.

Hih muh theih loh bukno (invisible tents) kicite pen za (paints) kinuh a (metal arcs tawh kituam in dazzle canvas kicite tawh za kinuh a), infrared thermal kicite dal ahih manin tuithe vanleng (drones), galte panmun et simna dinga kizang vanlengte (reconnaissance planes) leh satellites in mu thei lo a, guahzu leh dai kai dal thei in, a sa leh a votna/khuahun (temperature) 50 degrees panin zero degree nuai tan thuak zo a, ziinling magnitude 6 ciang thuak/nang zo hi.

A bukno kimu thei lote (invisible tents) pen metres 100 in sau a, a vai metres 24 hi a, a san’na metres 6 ahi hi. Tua invisble tent pen a golna 2,000 square metres tak ahih hangin a kizat theihna dingin a bawl hun/kikoih hun (deployment) pen naikal tam lo sung bek la a, a invisble tents ten power supply pen a khawl lo (autonomous system) nei hi. Defense Minister in tu nai diakin galkapte galvan (military hardware) panel boxes sung ahih kei leh a pua lam (outdoors) peuh ah kikoih hi ci hi.

Tanks leh galdona mawtawte (armored vehicles) pen khuahun a vot mahmah vuk nangawn a khalh zawhna (freezing temperatures), guah leh vuk a dal zawh hangin Smerch leh Uragan galvante bangin khuahun thuak hak a sa lo om lo hi ci-in Arsenal of the Fatherland journal Editor-in-Chief Viktor Murakhovsk in Izvestia newste kiangah gen a, tanks, APCs leh galdona mawtaw dangte (fighting vehicles) a pua lamah a kikoih ciangin galte thusim (enemy intelligence) in a omna uh thei pahpah uh hi ci hi. Missile systems leh long-range multiple launchers lakah Iskander, Smerch leh Uragan galvante pen vanglian uh ahih manin galte intelligence ten a omna mun thei nuam se uh hi ci hi.

Russia in Smerch mobile rocket-launcher vehicle pen 1980s bul pawlin a bawl hi a, Soviet Army ten 1987 panin na zang uh hi. Smerch multiple launch rocket system in lawng (tubes) 12 nei a, a tang dingin 300-mm rockets kizang a, tang khat bek pen a sauna pen 7.6-meter-long standard missile hi a, a gikna pen Kg.800 ahi hi. A hatna pen (firing range) 20 Kms. panin 70 Kms. ahi hi. A sawt loin Smerch mobile rocket launcher system a ngimna lianlian lim takin a khak theihna ding ngimna tawh advanced guided missiles kithuah beh lai ding hi. Source: Sputnik/ Thang Khan Lian