India gamsung ah numei khatin amah abuansawm pasal khat ii azang “Penis” tansak ahih manin ahangsanna pen thupi kisa mahmah cih Hindustan Times pan kiza hi.
Tua abuansawm pasalpa zong amahleh amah misiangtho “godman” khatin akigen hi a, azang tansak athuak ciangin Thiruvananthapuram City sung aom zato khatah kipuak cihi.
Mibuansawm pa minpen Har Swami kici a, kum 54 aphakhin khat ahihi. Hihpa pen India gamsung, Kerala, Kollam khuapan hi a, palik te tungah agenna ah amahleh amah daan kipiakna in katan ahihi ci’n khemsawnsawn hi.
Ahi zongin buan athuak kum 22 aphakhin numeinu in keima tansak hi ci’n hangsantak in genkhia hi. Abeisa kum 5 sungbang thungetsak kineih in bawlsiaden “sexually exploiting” ahih manin katansak hi ci’n genkhia hi.
Kerala chief minister Pinarayi Vijayan inzong numeinu’n tuabangin atansaklamzia leh agenkhiatzia tepen hangsan sa in thupi samahmah cihi.
Numeinu in agenna ah hihpa pen a innkuanpih tetawh kithei ahih manin abeisa kumtampi akipan a inn uhah tungzelzel in, thungetsak in hongpaizel cihi. Hihpa pen katheihcil in Class 12 sangnaupang bek kahipan ci a, tuahun akipan a innah apaisim in nawngkai sakden cihi.
Abeisa Friday zanlam inzong a innah tuapa pai cih thei ahih manin, alukham nuai ah temta khat selkhol hi. Abuansawm ciangin temta lakhia in azang tansak cihi.
A innkuahpih te’n hihpa pen nahehpih mahmah sawnsawn uh a, Thiruvananthapuram City sung aom zato khatah azingciang Saturday zingsang puaksak uhhi. Buan athuakdek numeinu inzong Police te kiangah athupiang teng avek in genkhia cihi.
Hospital pan thunei te’n agenna ah akitankhia avanpen zopkikding, khuisak kikding ki hanciam ci’n genkhia uhhi.
Abeisa kum 5 sungbang bawlsiat kathuakden ci’n numeinu’n genkhia ahih manin, pasalpa pen palik te’n POCSO (Protection of Children from Sexual Offences Act) Section ah kem uh cihi.
Related: India gamsung khuaneu khatah numei te Mobile Phone zatding kiphallo
Bawlsiat athuaknu ii anutawh hihpa pen akithei uh ci a, atanu tungah anopnehbawl pen anu inzong theipipi in amau innah zintungsakzel ahih manin, anu zong thu kibawlding cih kiza hi. ZD Sawltak #zomidaily
Comment piaknop aomleh...