Japan ah Rollercoaster khat vandawn ah bungbusa in khawlcip, mi 64 awkcip

Japan ah Rollercoaster khat vandawn ah bungbusa in khawlcip, mi 64 awkcip

Japan, Osaka City sung aom Rollercoaster khat vandawn ah apailaitak awkcip, paithei nawnlo ahih manin mi 60 val cimawhin ki honkhia cih Agencies News pan kiza hi. Tua Rollercoaster pen Universal Studios Japan aom hi a, Tuesday ni in vandawn ah a awkcip ahihi.

Rollercoaster paithei nawnlo in Emergency Stop kibawl ahih manin, huihlak ah kikhai lenglangsa in nai 2 sungbang atuang khempeuh awkcip uhhi.

Japan Media te genkhiatna ah tua Rollercoaster pen “Jurassic Park-inspired Flying Dinosaur” akicipen hi a, nitaklam 4.45pm hunpawl in Safety Mechanism hangin thakhatthu in akhawlcipvat ahihi ci’n genkhia uhhi.

Carriage khatpen akhawlnading Terminal atun madeuh in khawlcip a, adang khatzaw pen leilak panin Meter 20 – 30 bang asanna vandawn ah aki lumletsa in khawlciplian cimawk hi.

Theme Park sungah nasemte’n agenkhiatna ah tua Rollercoaster tungah atuang Passenger akigawm pen mi 64 pha ci uhhi. Kamsiatna kawmkal ah kamphatna tawh hih tuahsiatna hangin asi aliam kuamah omlo bilbel cihi.

Hihvai tawh kisai in Theme Park Operator te’n tuni Wednesday ni in NHK News te kiangah agenkhiatna ah tuabangin Rollercoaster anawngkaisak, akhawlsak ahi ahoih nawnlo Motor Control Part pen athaktawh kikhek khinta hi ci’n genkhia uhhi.

Video: More than 60 thrill-seekers at Universal Studios Japan in Osaka got more than they bargained for on Tuesday (May 1) when the rollercoaster they were riding made an emergency stop, leaving them hanging in the air for up to two hours.

Hih tuahsiatna aom zenzen hangin Osaka City sungah tulaitak Golden Week Holidays tawh kituak ahih manin, Theme Park sungteng ahawh Visitors vive tawh kidim veve hi. Asiat khitzawh aki bawlkikding angak in akigual dimdem omveve a, nitaklam 7pm khitciangin sinna Test Run akibawl khitciangin Operation kipankik a, Passenger te kituangkik ngeingai veve hi.

Ahi zongin Visitors pawlkhatbel lauthawng mahmah uh a, kum 42 aphakhin nupikhat in agenna ah tua Rollercoaster tungah a awkcipding in kaki ngaihsut ciangin katuannoptha beita hi ci’n genkhia hi. Amahpen atate 3 tawh Theme Park sungah gualnuamding in ahawh hi a, ahi zongin tua Rollercoaster tuahsiatna amuhkhit ciangin bangmah lunglutzo nawnlo hi.

Flying Dinosaur akici Rollercoaster pen 2016 kumin akihong hi a, alampi asauna 1120 Meter ahihi. Asan penpenna munpen leilak panin vandawn ah 37 Meter sangtosak uhhi.

More: Ferris Wheel geiah Selfie Photo kizaihna panin aluvun kihawk ~ ZD

NHK News te genkhiatna ah hih Rollercoaster tuahsiatna pen amasa hilo hi. Abeisakum September khasung inzong khatvei awkcip ngeikhin a, tuahunlai in Passenger mi 30 awkcip uhhi ci’n genkhia uhhi. Japan gampen leitung ah Technology lamsang apil mahmah, asiam mahmah in akigen, aminthang mahmah gamkhat ahihi. Ahi zongin setvan cihpen siat hunmah neithei veve, tuahsiat hunmah omthei veve hi. Sawltak #zomidaily