Bangladesh gamsung ah Rohingya te nikhatin naungek suakthak 60 bang omden

Bangladesh gamsung ah Rohingya te nikhatin naungek suakthak 60 bang omden

Myanmar, Rakhine State sung buaina hangin Rohingya te honpikhat taikhia ngeingai uh a, Bangladesh sungah gambel in om uhhi. Tuabang in Bangladesh gamsung ah gambel in aom Refugee Camp te ah Rohingya tepen naungek suakthak omden in pungziahziah uha, nikhatin naungek asuakthak 60 bang omden hi ci’n UNICEF (United Nations children’s agency) te’n Wednesday ni in genkhia uhhi.

Myanmar Military Crackdown hangin Rakhine State sungpanin Bangladesh, Cox’s Bazar zuanin ataikhia Rohingya te akigawm in 700,000 bang phading kiciliang hi. Tuabangin Rakhine State sungah galkapte ii gamtatna pen United Nations, United States, Britain te’n Myanmar kumpi mawhsak mahmah uh a, ahi zongin Myanmar kumpi te’n hihpen minam amanthangding in siansuahna “Ethnic Cleansing” hilo hi ci’n nialkik uhhi.

UNICEF te’n Statement apulakna ah tuabangin Rohingya te Rakhine State panin ataikhiatzawh naungek asuakthak pen 16,000 Babies bang phakhinta ciliang hi. Tua naungek asuakthakte lakah 3000 khawngbek Healh Facilities ah asuak uh hi a, tualo adangteng pen Refugee Camps sungah asuak uh ahihi.

UNICEF’s Representative in Bangladesh asemlaitak ahi Edouard Beigbeder in agenkhiatna ah Rohingya te sungpan nikhatin naungek 60 tabang suakden hi ci’n genkhia hi.

Senior Bangladesh health ministry official khatin agenkhiatna ah nungkalsung ciangciang nupi naupaai pen 18,000 bang omhi ci’n genkhia hi. Tualo adang aki theikhalo tuamtuamtawh akigawm in Rohingya galtai te sungah naupaai nupi pen tulaitak 25,000 peuhmah omdinghi ci’n genkhia hi.

More: Kuala Lumpur khuasung ah khutdawhngen in avak Rohingya naupang 11 kiman

Nung March khasung in United Nations te’n Rohingya te panpih nadingin huhna $951 million kisam ci’n huhna ngetsak uh a, tuazong tukumsungbek Rohingya Camps tengah zekding hipanlai hi. Ahi zongin adeihzah uh $951 million ngahzolo in, 20% khawngbek ngahsak uh cihi.

Malaysia gamsung aom Zomi te sungah kumkhatin naungek suakthak bangzahbang aom zelzel mahtammaw….. Sawltak #zomidaily