Lampi tungah tui kivungtawh kuang asawp Raj’s Banana Leaf ansai ki khakcip sakta

Kihhuai takin lampi tungah tui kivungtawh kuang asawp Raj’s Banana Leaf ansai ki khakcip sakta

Malaysia, Bangsar vengsung aom asiangtholo in agamta Raj’s Banana Leaf Restaurant pen zanni in kumpi thuneite’n khakcip sakta uhhi. Kuala Lumpur City Hall (DBKL) te’n aki khakcipna vaitawh kisai in asai ah lai suang uh a, siangtholo “unhygienic food practices” hangin aki khakcip hi ci’n pulak uhhi.

Jalan Telawi aom Raj’s Banana Leaf Restaurant ah zanni Wednesday zingsanglam in etcianna akinei ahihi. DBKL (Kuala Lumpur City Hall) leh Federal Territory Health Department panin Officer bekbek akigawm in mi 15 bang tua ansai sungah lutin Hygiene tawh kisai in sitcianna anei uh ahihi.

Raj’s Banana Leaf Restaurant sungah aneipa tawh akizom Senior Personnel khat kumpi thunei te’n thudotna, thusitna nei uhhi. Tuakhit ciangin siangtholo in agamtatna hangin khakcipsakna Closure Notice apualam ah ki suansak hi.

DBKL Health and Environment Department deputy director Chandrakant Patel in agenkhiatna ah hihsai aki khakcipsakna Closure Notice pen ciantan omlo hi, Raj’s Banana Leaf Restaurant ii siangthona, cidamna tawh kisai te kumpi thunei te’n etphatna neiding uh a, alungkim mateng uh ki khakcipsak dinghi ci’n genkhia hi.

Raj’s Banana Leaf Restaurant ii ansai hontheihna Licence zong ki piakik nawnlo khatheiding cih kiza hi. Inn nunglam ah nasem te’n pakan asawpna pen lampi tungah tuikivung tawh asawp uh hilawmlawm ahih manin, mipi te hehthei mahmah uhhi. Nasemthak “New Staff” te a ngawhbawl pongmawk uhhangin, abeisa inzong hibangin asawpden uh hidinghi, nasep lutthak te mawhna cihbang hituanlo dinghi ci’n khuasung mipi te’n apaulap piak uhpen zadah mahmah uhhi. Bangzahta asiangtho in aki hongkikphial zongin hih ansai ah kane ngei nawnkeiding hi aci tammahmah hi. Sawltak #zomidaily

Video: Raj’s Banana Leaf restaurant in Bangsar has been forced to shut down by Kuala Lumpur City Hall (DBKL) due to unhygienic food practices. DBKL said the closure notice was indefinite, pending the restaurant’s cleanliness and hygiene review by the authorities.

Ansai khatah kihhuai takin kuangsawp laitak Video kizaihkha in Social Media ah kithehzak

Ansai pawlkhat tepen amailam ah asiangtho mahmahtawh akibat hangin innnunglam anhuanbuk khawngah kihhuai mahmahthei hi. Atamzaw in anlimlim nekdingbek ki ngaihsun khathei a, anhuanbuk ah bangci kihuan, ankuang te bangci kisawp cihpen kilunglut khollozaw hi.

Tulaitak Malaysia gamsung ah ansaikhat kihhuai takin agamtatna Video Clip khat kikhahkhia hi. Tua ansai pen Bangsar vengsung aom Raj’s Banana Leaf kici Indian Restaurant khat ahihi.

Video sungah innnunglam aom kuangsawp te’n lampigei tuikivung khattawh akuangte uh asawp ziahziah laitak kimuthei hi.

Hihvai pen atakpi himawk a, Raj’s Banana Leaf thunei te’nzong Facebook tungtawn in mipi tungah thuumna neikikkhin uhhi. Tuabangin kuangsawp agamta tepen nasemthak te hi a, abeisa in hihbang omngeilo hi, mailam ahzong omloding hi. Sianthona cidamna lamsang tawh kisai in abeisa inzong Health Inspection aomsim in bangmah nawngkaina neilo hi ung ci’n pulakkhia hi.

Tuaban ah mipitung thuumna in Raj’s Banana Leaf te’n hongtungding May 31 nitaklam 7:30pm panin 9:30pm dong amawkna in Bangsar Outlet aom Raj’s Banana Leaf Restaurant ah an kavakding uhhi ci’n pulakkhia uhhi.

Ahi zongin hihvai tawh kisai in Netizens tampitak in Raj’s Banana Leaf te mawhsak mahmah uhhi. Management siamlohman in, hihbang mindaina aom ciangin nasemthak “new staff” te ngawhbawlziau pen diklo hi. Tuaban ah Malaysian mipi te amawkna anvakziau tawh kithoihziau kingahlo hi, akihhuai ngiat hi uhteh cihbang atuamtuam in Comment kipia zihziah hi.

Hihbangin kihhuai takin agamtatna uhhangin Kuala Lumpur City Hall te’nzong zingciang Wednesday (May 30) ni in Raj’s Banana Leaf, Bangsar Outlet ah sitcianna neiding uh kici hi. Tuaban ah Kuala Lumpur mayor Tan Sri Mhd Amin Nordin Abdul Aziz inzong hih Restaurant pen zingciang khakcipding thupia cih kiza hi.

More: Sumzondan atuamtuam: Hotpot ansai ah sungten guaktawh Waitress semsak

City Counsil te’n thukhun tawh kituak in asemhiam cih etcianna aneihkhit masiah ki hongkik saknawnloding cih kiza hi. Kawlsai, Zosai te nasepzia, anhuanzia tezong Video azaih simsim na omzelzel henla, ki puahphatna in hong neithei le uh lunggulhhuai hi. Sawltak #zomidaily