Asia Sahang hong thokik

Asia Sahang hong thokik

Kum 2020 maingat ding i kipat lianin Sen leh Amercia te sumbawlna vai ah nakpitak hong ki dem uh a, US te’n a hihtheihzah in Sen te khaktan ding hong kipan uh hi. Tuahangin a langnih kikal thautang kihello ki simdona hong khang mahmah hi.

2020 kum kipatlianpan leitung sumbawlna leh gamkhat le khat kizopna hong susia covid 19 natna hong kipan hi. Mi tampi sihlawh uhaa, gilkial dangtakna tampi thuaklawh hi. Tuapen mipil tampi in Sen te virus hi ci in ki mawhsak hi.

Tua natna vai hong ven ma in Sen leh India gamgi ah buaina hong piang a, a langtuak ah sihna nangawn hong piang hi. Hih munpen tuma kumtampi pan a buaina uh hiaa, tua mun mahah Sen leh India galkapte temta tawh ki do gawp ngei uh hi. Hih buaina bangzah ciang hong kizom ding cih kitelcian nailo hi.

Tuahun sungteng mahin US gamah lungphona hong piang a, kumpite nangawn linglawngsak hi. Hih meikuang hong tawhkuang kua hidinghiam cih mipil te’n a theinopmahmah laitak a hihi.

Tualaitak mahin Corona a beita in a kiciamteh Sen gam ah corona virus lauhuaitak in hong tungkik hi. A masa sangin lauhuaizaw kici hi. Sen zatuilam mipil te’n ‘hih natna pen Europe lampan hong pai hi’ ci in tangko uh hi. America te’n a thuhkikna hiam ki telcianlo a, Sen kumpite a nak hehmahmah lai tak a hihi.

Tua kawmkal ah Japan te’n galvan lam leh galdona lam hong hanciamkik uh a, Asia gam sungah a lipkhaphuai dingkhat hong suak hi. Japan te’n a genna ah ‘Sen te ka ginna bekbek uh a hihi’ ci in siangtak gen khia uh hi. Sen kumpipa tektek zong Japan gamah kilemna gen dingin paisawm hi cihthu kiza hi. Galpi nihna lai a leitung a lokgawp Asia sahang hong thokik hiphot hi.

Tuatengmahtawh kizom in N Korea leh America te kipawlpih S korea kikal buaina hong om leuleu hi. N Korea hong kiphatsakleh nai khat nikhat sungin vutlevai suaksak ding hi ung ci in Japan in na pulakkhia sawnsawn hi.

Hibangthuteng hong pian ciangin galdona ah kipawlpih ding kizongciat pah uh a, India, US, Japan, Australia cihte khatin kipawlta uh hi.

A lungluthuai khat ah: America kumpi kitelpi pen 2020 November kha in ki bawl ding hi. Trump pen gilo a kici zongin Pasian a ci tinten mi khat a hihi. Hih kitelkik ah Trump a hilo Pasian a phawklo kumpi khat hong khangleh a ni khat thuin leitungah Nuclear bomb te a kitammang thei ding din mun a hihi.

Laisiangtho sungah leitung masuan nopna ding tawh ziallo in kidona ki thahna leh a leitung mahmah kangtum ding ci a hihmanin Pasian kammal hong tangtung nuamta a hitam cihnophuai hi.

Bangbang a hizongin Pasian kammal tawh kisit in mimalkim hun nunung aa ding ki gingkhol tek ni. Siamsin Library