Puteek khatin azangmul botin agei ah a ihmu numeino tungah khiatphei sese

Puteek khatin azangmul botin agei ah a ihmu numeino tungah khiatphei sese

Japan puteek khatin meileng atuanlaitak in agei ah a ihmu numeino khat khelbawl sese a, tualaitak Video kizaihkha citciat ahih manin, Social Media ah ki thezakpah zihziah hi. Tua Japanese pa’n bangci khelbawlhiam cihleh akalkawmmul “Pubic hair = zangmul” botkhia in, tua numei ii alutung ah lotphei, khiatphei citciat hi.

Philippine Daily Inquirer te genkhiatna ah hih Video Clip pen Twitter tungah @momo773716 kici User khatin Upload masa cihi. Tua Video Clip pen Twitter tung bekbek ahzong 55,869 veibang Retweet kibawlkhin a, Like apiazong 70,228 phakhin hi. (Dislike omlomawk ahih manin, Like akipia zong hikhathei 🙂

Tua Japan puteek pa’n abombi Zip honkhia in, aki muloding in bungkhatah amai ah liahsak hi. Tuakhit ciangin azangmul botkhia hileh kilawm a, amulte pen agei ah a ihmu numeino tungah khiatphei citciat sese hi.

Tua agei ah a ihmu numeino pen sangnaupang High School Girl khat kici a, “Oh no! The JK is getting sprinkled with pubic hair.” ci’n Twitter tungah ki gelhkhia hi. Tuabangin akalkawm amul botkhiazel in, theihpheizel cimawk hi.

Hihbang in Japanese puteekpa gamtatna pen amukha khempeuh in kihmahmah uh a, gitloh gamtat samahmahtek uhhi. Hihpen gitloh gamtatna “Crime” namkhat hi ci’n ki Comment tek hi. Adang User khatin kumpi thukhun tawh kizui in hih puteekpa gamtatna thu kibawl tapeuhhen cihi. Adangkhat in hih numeinu, amanlah phawkkei vencin, hehpihhuai mahsi e ci’n gelhkhia hi.

Hih puteek pa gamtatna in “The Dog in the Manger” cih Fable tangthu hongphawksak lianghi. Ui in buhtu anektheihloh hangin, bawngte nekdingzong phaltuanlo hi. Hih puteek pa’nzong anekkhak lohdingkhat….. Ih gamtatna khempeuh hongmu khinkhianden khat omhi cih phawkni. Sawltak #zomidaily