Sri Lanka te vanleng sungah Phone Battery hangin meikuang

Sri Lanka te vanleng sungah Phone Battery hangin meikuang

Passengers mi 202 atuang phitphet Sri Lankan Airlines te vanleng khat vandawn ah alenlaitak, Mobile Phone Battery hangin meikuangmawk ahih manin kibuaigawp cih AFP pan kiza hi.

Tua Sri Lankan Airlines pen India, Kochi City panin Sri Lanka, Colombo City zuanin Sunday ni in alengkhia ahihi. Hih khuapi nih kikal pen Minute 70 khawng akilengding hi a, vanleng tungah an apiakhiatdeuh Meal Service khit ciangin meikhugim kiza hi.

Flight Attendants te’nzong koipan in meikhu kipankhia hidinghiam cih ngaihsun uh a, Passenger te vanlak panin akipan hiding in ummawhpah uhhi.

Tuaciang in azon kawikawi uhleh Passenger te tutna atung aom Overhead Locker sunga kikoih Bag khatpan meikhu akipan ahihlam mukhia uhhi.

Meikuang phelhna Fire Extinguisher tawh akapkap uhhangin meikhu pusuak veve ahih manin, tua Bag pen tuisung ah diahsuk uh a, tuaciang in meikhu kampan cihi.

Passenger khat ii Bag sungah apuak Lithium Battery panin meikuang akipan ahihi ci’n Sri Lankan Airlines te’n Statement ah genkhia hi.

Tua Bag sungah Mobile Phone 2 leh Lithium Battery Pack 1 mukhia uh a, tua Phone Battery hang in meikuang akipan cimawk hi.

Hih meikuang akipatna Mobile Phone pen bang Brand, bang Model cihpen Airline te’n genkhialo uhhi. Ahi zongin hih Sri Lankan Airbus A330-200 aircraft tungah buaina thupiang pen hoihtak ki sitcian, kancian laiding hi ci’n genkhia uhhi. Hih meikuang, meikhu hangin aliam abai kuamah omlo cih kiza hi.

More: Apuakkham thei “Samsung Galaxy Note 7” te puahpha in kizuak kikding ~ ZD

Nungkumsung Samsung Note 7 Phone te hangin vanleng sungah buaina tampi piangsak hi. Tuahunlai inzong nungkum October kha akipan Sri Lankan Airlines te’n amau vanleng sungah Samsung Note 7 Mobile Phone te puakphallo uhhi. Sawltak #zomidaily