Pumzaw Natna (Liphiat) pianma hong kihilkholh zia nam (6)

Pumzaw Natna (Liphiat) pianma hong kihilkholh zia nam (6)

Pumzaw natna ih cih pen leitungah mihing te tam a sisakpen natnate lakah a nihna a hihi. Hih natna hong pianma a kihilkhol natnate tawmkhat ih gen nuam hi. Hih pumzaw natna cihpen namnih in kikhen thei hi. Khatna ah sihuite sungah sikhalte in sikhak in khuak nasepna ah kisamzah si lutsak theilo ahihkeh khakcip ta a hih manin khuaksung khenkhat in nasep hoihtak sem thei nawnlo ahih man a hihi.

A nihna ah khuaksung sihuite kitapna hangin khuaksung mun pawlkhat ah si tunglo a hih manin khuaksung khenkhat in nasem lo in pumpizawt natna piangsak hi. Hibang natna hong pianma in kihilna omkhol thei natna nam(6) ensuk ni.

(1) Mitgial (ih et pen kithuap dan a kimu)

Mit langkhat in hoihtak in amuh hang alang khatin kitel tak amuh kei leh tua pen pumzawtnatna i kihil kholhna namkhat hithei hi. Hidan pen nasep tawlman, laitam simluat man a piang hilo hi. Khuaksung sihui te kikhakna hangin mit thaguite in Oxygen (huihsiang) ngahzah ding ngah zolo ahih manin mitgialsak hi.

(2) Khutte Ageina Sang Sauvei Hikzaw

Khat veivei ciangin bel lupdan tuahloh manin cihik thei mah leh tawmvei sungin kamkik theilel hi. Tua angeina sang sauveizaw in a zelzel leh pumzaw natna hong pian na’ng hong lak khol cihna hi. Ahangin khuaksung i a nung lampan in a lut sihuite kikhak, kitapna pan in khutlehkhe dawnte a kem khuaklam in si kicing ngah zawhloh man a hihi.

(3) Thu Gensawm Khat Genkhiat Ding Lian Ciang Mangngilh

Na gen sawmsa thu khatpeuh gending hunlian ciang mangngilh cihdan na tuah zelzel leh hipen zong pumzaw natna apian ding honglak natna namkhat a hihi. Khuaksung sihuite kikhakin sipai zia manlo ahih manin ciaptehna lam khuak in si kicing a ngahloh man a hihi.

(4) Khat Veivei Luvai Thei

Nasep kawm, lampai kawm in a hizong luvai vat cihdan natuak theihzel leh hizong pumzaw natna kipatna hithei hi. Hizong khuaksung nasep pongman lohna hang mah a hihi.

(5) Kampau Kawmin Leilawh Manlo

Natna khatpeuh hangin natdawn limzat luatna hong zong bel hithei hi. Ahiang hih zong pumzaw natna kipatnop manzong hithei gige hi. Lei kiloksak khuak in si hoihtak a ngakloh man a hihi. Siahuan siamte kiangah kilak in sittel sak in.

(6) Lutang Nat Zelzel Na

Ngaihsutna sungah Migraine a tamluat ciang in lutang nasak thei hi. Himah leh hih migraine tamlo pi in lungtang a mawk nat leh pumzaw natna i kihil kholhna mah a hihi. Siahuan siamte mah kivel ciansak ding kisam hi.

Hih pumzaw natna ngahloh na ding kidal kholhna thupi mahmah hi. Nisim neklehdawn kidop huai a Cholesterol a tam annam, gtn: vokthau, ganhing thau tuamtuam, a kikhaih kikik sathau namte nek huailo hi.

Hih pumzaw natna thuak khak loh na dingin pumpi sung sisan paizia a man ding kisam mahmah hi. Sisan paizia aman na dingin nisim in nailang sungta bang kimawl in khutlehkhete tangsak, tai, siksakol tuang cihdan in khua-ul suaksak den in. Tua hileh sisan sung a om ninte siang in sisan paizia mansak a, pumpi cidamsak hi. Zatep, Kunza, zu leh guihtheih-khamtheih tuamtuam te ngawl in. Credited: Dr. Lwin Thant (MWD)/ David Thangkhek – Zomi Daily