US, Kentucky pan Pu Song Za Tuang (Sezang, Gualnam) in hongnusia

US, Kentucky pan Pu Song Za Tuang (Sezang, Gualnam) in hongnusia

Mangpha Pu Song Za Tuang@Tuangno, Gualnam (luisuk) Beh, Kum 65 | Sezaang Khuami Bowling Green,KY USA gam ateng Pu Song Za Tuang in abeisa October 31,2019 in lam at hetlo lai tak in lung-am in tuuk in leitung nun tak napan ongnusia cihthu izaakmanin ZIUSA kipawlna min tawh dahpih na i pulak hi.

Pu Tuangno pen Myanmar gamah Township Administration Officer and Chairman of Township Peace and Development Council (Retired),leh Evengelical Baptist conference Vice President 1,(2014-2018) Evengelical Baptist Conference of America (Advisor) mithupi khat zong ahihi.

Pu Tuangno Pen Zomi Innkuan Kentucky ah active member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 04/30/2018 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pu Tuangno tawh anunungpen hunzatkhop ding ong tungding Saturday November /09/2019, 11:00am hun-in J.C Kriby & Son Funeral Chapel and Crematory ( 820 Lovers Lane,Bowling Green,KY 42103) ah (EBC) makaih na tawh hehnep hunbawlkhopna kinei dinga Rev.Vung En Thang in Pasian kammal tawh hanthotna ong neihkhit ciangin leisung ah tuhna kineidinghi.

Pu Tuangno ong nusiatna hanga adahakap sangam tanau meltheih khuapih beh leh phung akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Genvai tanupi)