Pu Dal Khan Mang (ZCD MP candidate)

Pu Dal Khan Mang (ZCD MP candidate)

Zomite in i ngakngak MP dingte lakpan tutung ZCD party pan kuanglui Pu Dal Khan Mang pen aphamawh khat ahi hi. N.Tedim, mee kuangluina khawkkhatna (Constituency No.1) pan hong hiding a, party pan leh mimal tangdin vekpi kigawm (7), adang (6) tawh hong kidem ding uh hi.

Mikim in i theihsa mah bangin Pu Dal Khan Mang pen citak lungduai, Zomite kitangsap thei cih ciangbek hilo in, a nungta Pasian zahtak ngait makai mipha ahisa khat ahi hi. Kumpi na asep lai, kawlte in mualmite hong nenniam mahmah laitak, kawl galkapte ngia abat laitak nangawn in, itna leh cihtakna tawh tuate pawlbawl siam in galkap sungah bumu (Major) ciangdong na tungto zo hi.

Hibang mileza tawh kum(30) sungbang pauban omhetlo in mapang khinsa hi a, hih panmun pan a tawlngat khitciang nangawn in Zogam (Chin state) ii khuapi Hakha ah စည်ပင် lamah လက်ထောက် ညွှန်ကြားရေးမှူး kum(5) sungbang na sem lai hi. Tua sepsung nangawn in zong nekguk, deihsak tuam, pomtuam, niltuam cihpeuh mah omlo in, Zogam sung vankawikawi a, adeih bangbang pianuam napi in akisap bangbang angahsak pa ahi hi.

Tutung kitelkikna ah Zomite’ vote tawh i makai hoihpa a munlui a nautual kaihna sa Zogam khuapi Hakha, Zogam Zingvaihawmna innpi (Chin state Parliement) i puakding pen vote nei mipite mawhpuak hi a, innpi sung i vatut zawh nakleh Zomi Zotate lunggulh, kitangsap phadiakte maimom tawdawh adot ding MP kician i nei tading hi.

Abeisa amapanna omsate bangmah in guptuam paihtuam cih omngiatlo ding a, “tua nu/pa ကန့် ကွက် hi” na cih ma-in na lunggulh tengteng nangah khin ding hi. Ataktak in i deihkhat i ngahlohna khawng i cihmawh teh khatpeuh i ngawh bek hi a, asawksiam omleh kingawh kul sese lo in i ngahkhin tading hi.

Tua ahih manin i sunmangte, i lam-etette atakpi in i ngahtheihna dingin tutung kitelpina ah Pu Dal Khan Mang vote hamtang ding hi hang. I vote ngeingei leh anungsang ah kisiik tawm mahmah ding hi. Lai gelh: Pa Samuel