USA, Texas pan Pu Cin Khen Thang (Mualnuam, Hatlang) in hongnusia

USA, Texas pan Pu Cin Khen Thang (Mualnuam, Hatlang) in hongnusia

Mangpha Pu Cin Khen Thang (Kum 84) Hatlang Beh – Mualnuam khuami Fort Worth, TX aa ateng Pu Cin Khen Thang in abeisa December 15, 2021 in Teek natna tawh hongnusia chih thu izak man in ZIUSA kipawlna mintawh dahpihna i pulak hi.

Pu Thang pen Zomi te kipawlkhopna Zomi Innkuan Fort Worth ah member khat leh ZIUSA Genvai member pom ni 11/27/2013 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Pu Thang luanghawm tawh anunungpen hunzatkhop ding hong tungding Thursday December 23, 2021, 8:00am in Agape Zomi Baptist Church, Fort Worth makaihna tawh, Funeral Service bawl khit ciang, Rev. Kam Suan Mung in han ah vuina nei ding hi.

More: Mualnuam khuami Rev. Dal Za Cin (Munlai Zion UPC) in hongnusia

Pu Thang hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA,Inc.)