Malaysia gamsung ah Police Headquarter meikang

Malaysia gamsung ah Police Headquarter meikang

Malaysia gamsung Bukit Aman aom Police Headquarter pen zanni 29 July ni in meikang hi. Nitak 5.20pm hunpawl in akipan hi a, mimat hatmahmah CID (Crime Investigations Department) te ii zumtengzong nawktokha cih kiza hi.

Inspector-General of Police (IGP) Tan Sri Khalid Abu Bakar in agenkhiatna ah mei kiphelhzo a, asi leh aliam kumah omlo ci’n pulakkhia hi.

Meikat kipatna ahih leh aki kansan laitak ahihi cihi. Tuaban ah ama Twitter Account pan agenkhiatna ah laithupi bangmah meikangkha omlo a, athupilo teng meikang hi cipongmawk hi.

Meikat akizak ciangin Hang Tuah, Titiwangsa leh Sentul stations aom meiphelh mawtaw leh nasemteng kitaipah ngeingai a, ahunlap in ki phelhzo hi ci’n Kuala Lumpur Fire and Rescue Department assistant operations director Azizan Ismail in genkhia hi.

Bukit Aman fire started at eighth floor

Meikat kipatpen 5.20pm kici a, akiphelhzawh hunpen 7.47pm hi ci’n Kuala Lumpur Fire and Rescue Department director Khirudin Drahman in genkhia hi. Tawlpikhat mah kangziahziah veve cihding ahihi. ZD Sawltak