President Donald Trump in kha 3 sung angah masak khasumteng citpiakna nei

President Donald Trump in kha 3 sung angah masak khasumteng citpiakna nei

President Donald Trump in US gamsung ah makaipi asepzawh a ngah masak kha 3 sung khasum tepen National Park Service te tungah citpiakna “Donation” in piakhia cih Fox News pan kiza hi.

White House Press Secretary Sean Spicer in citpiakna sum akigawm in $78,333.32 pen Interior Secretary Ryan Zinke tungah Monday’s Briefing hunsung in piakhia cihi.

Donald Trump pen sumbawlsiam mahmah leh mihau sumhau mahmah “Billionaire Businessman” khat hi a, President angah mapek Election Campaign hunlaipek in “Presidential Salary” khasum tepen citpiakna in kapia kikding ci’n agenkhiatsa ahihi.

Ataktak in khasum ala nuamlo, khasum akipiakding a utloh hizaw a, ahi zongin “By Law” tawh kizui in President khatpen khasum aki piakloh phamawh ahih manin, amanzong akipia khasum te citpiakna in apiakhia kikpah ahihi.

Interior Secretary Ryan Zinke in agenna ah President Donald Trump in akhasum avekin piakhiading cih akhentat kazak ciangin lamdang kasa mahmah ci a, Interior Agency tungah avekin piaksawm cih Sunday nitaklam in kazakhin cihi.

Video etnopleh: President Donald J. Trump has donated his first-quarter salary to the National Park Service

President Donald Trump in piakkhiat sumte pen Maintenance Projects tuamtuam ah kizangding hi ci’n Interior Secretary Ryan Zinke in genkhia hi.

President Donald Trump in Interior Department te ii sumzekna Budget pen $120 Million ahih keileh 12% khiap nading in geelna nei, thusunna nei cihzong kiza hi.

More: Donald Trump in President asepzawh khakhatsung in nasep 235,000 kibehlap

Khasum lamen in President adem hilo cih kilang mahmah a, ettehhuai makai kician mahmah khat ahihi. Sumlehpaai tawh agenbaanglo makaite pen agenbaang makaite sangin lawhcingzaw, zahtak kaizaw hamtang uhhi. ZD Sawltak #zomidaily