Malaysia, Port Dickson ah mawtaw 5 tak kiphukha gawpin mi 4 si

Malaysia, Port Dickson ah mawtaw 5 tak kiphukha gawpin mi 4 si

Malaysia, Port Dickson ah Lorry mawtawpi khatin adang mawtaw tampi phulkhagawp ahih manin, mi 4 si cih Stomp pan kiza hi. Tua asi mi 4 tepen MPV mawtaw (multi-purpose vehicle) sungkhat ah atuang uh hi a, Singapore gammi vive ahihi.

Lorry mawtaw pen hatsaklua in, hoihtak lenkip theilo Lost Control ahih manin, adang mawtaw te aphulkhagawp ahihi.

Hih tuahsiatna apianhun pen zanni Wednesday nitaklam 2:30pm hunpawl ahihi. Accident sungah akihel Lorry mawtaw ii phutkhakte pen Honda Stream khat, Tipper Truck khat, Mercedes-Benz SUV khat, Perodua Myvi khat leh Motorcycle khatzong kihel hi.

Lorry in aphutkhak, ahuaisiadiak pen Honda Stream mawtawpen hi a, Singapore-registered mawtaw kici hi. Tua Singapore gammi tepen Port Dickson ah Holiday hunnuam zangdingin apai uh kici a, tuakawmkal in atuahsia, asisuak uh ahihi.

Port Dickson police chief Zainudin Ahmad in agenna ah atuahsia asi Singaporean gammi tepen innkuankhat hiding cisawnsawn hi. Honda mawtaw sungah atuangkhawm mi 4 lakah mi 3 pen aphualah sipah in, adangkhatpa pen Seremban Hospital ah akipuak laitak in lamkal ah sihi. Amahpen Honda ahawl, Driver pa ahihi.

Tua Truck mawtawpi pen hattak in ahawl valval laitak Video zong ki Record kha in, lauhuai mahmah hi. Amai ah Honda mawtaw pen taihsuk, gawizansuk ahih manin, asungah atuang mi 4 te’n asihlawh uh ahihi.

Truck Driver papen Police te’n manpah uh a, thusitna neihding in kikem hi.

Port Dickson Police te genna ah hih tuahsiatna apianna munpen Lukut – Sepang T-junction kici lamkabom hi a, Lorry mawtawpi pen asuktuah laitak in hatsaklua leh hoihtak Control theilo ahih manin, Honda mawtaw pen aphusukkha cihi.

Honda mawtaw pen zancipgawp ahih manin, asungah asi Passenger te lakkhiattheih nadingin Firefirghter te’n nai 2 sungbang buaipih mahmah uhhi.

Lorry Driver papen kum 54 aphakhin khat hi a, Accident apiancil in aphual panin taisim in, ahi zongin akhuanung ah amahleh amah Lukut Police Station ah vaki ap hi ci’n Spokesman khatin genkhia hi. Adang mawtaw te tungah atuangte pen asi omlo uh a, ahi zongin aliam pawlkhat om uhhi.

More: Johor Baru leh Kuala Lumpur kikal ah Bus kibung, mi 14 si, 16 liam, Myanmar 2 kihel

Behlapna: Construction Site khawngah akizang mawtaw te, van golpipi apuadiak Trailer mawtawpi tepawlpawl pen ahawltezong awlmawhluat aneikhollo tata hithei a, lauhuai mahmahmawk uhhi. Pilna laitannei, khuakciim leh midangte adingin angaihsunthei valval cihte sangin a ngongtat phiatphiat cihtepawl in Construction mawtaw te hawlzawdiak ahih manin, ahihtheih nakleh nekkhak lohding hoihtuakzaw hi.

Mipil mikhual teleh mimawl mimawkmawk te ii gamtat leh ngaihsutzia, midangte ading ngaihsut sakzia, mikhualzia cihtepen kikhai vevemawk hi. Tuamah bangin mimawl te Comment piakleh, mipil miciim te Comment piakte simkakleng hongkikhai vevemawk hi 🙂 Mawhsak nading bekbek azongzong pawlkhat aomsam hangin, athukhual mahmah tampitak ki om veve ahih manin, lungdamhuai hi. ZD Sawltak #zomidaily