Politik thugen na ah utdandan in kilaih theihi

Politik thugen na ah utdandan in kilaih theihi

Jew mi Russia gam aa khangkhia khat Israel ah ciahkik theihna ngah hi. Moscow vanlengtual security check lut in, Lenin lim (Soviet Union lai a makai pa milim) a baggage sungah akoih custom officer te mu a, “Hih bang hiam” (what is this?) ci-a adotleh tua Jew pa in wrong question, dotna manlo hi’ “Who is he”? ci-in ci-a tua custom officer pa in zong hih kua ahia? acihleh Jewpa in hihpen mimin thang vangvang socialism phuankhiapa Vladimir Lenin lim (statue) ahihi.

Russiate hauhna ding abulpi amaphuhsak sa hi’ cihi. Kapai na peuh ah hih lim kengzel ing kei adingin amah ka hero ahihi’ cihi. Tualeh Russia custom officer pa in thudong nawnlo in paisuak sak ziau hi.

Tel Aviv vanlengtual (Israel gam) atun ciang Israel custom officer khatin dong leuleu a, “hih bang hiam”? (What is this?) acihleh’ ah’ “hih banghiam” ee? wrong question (dotna manlo hi) sia aw, “kua hiam” (who is he) nacih dinghi’ cihi. Israel gam custom officer pa in (who is he?)”amah kua ahia?” acihleh, hipa maw… Lenin kici lamgei avakvai tagah khat ahihi’ hipa hangin Jew mi ka hih na mite’n thei in Russia gam anusia in hihlam hongciah ka hi hi’ amilim (statue) kemleng nidangciang samsia nuam kahih cianga’ ci hi.

Israel custom officer pa in sorry peuhmah ei’ paithei ciai ci in security check pointpan paisak hi.

Israel gam aa a inn atunkhit ciang’ tua Lenin milim annek sabuai tungah koih hi. Meltheih lawmleh gual tanaute sam in Russia pan Israel ciah kikthei ahihna lungdamna nitak an nekhawm uh hi.

A lawmte khat in dong citciat a, “Who is this?” (hih kua ahia?) acihleh, tua Jew pan in kalawm it aw” nadot na khial hiteh, “Who is this?” (hih kua hiam) hilo in “What is this”? “Hih bang hiam?” ci in dongzaw in cihi. Tuaciang Jew pa in hihpen Suangman pha lom (solid gold) Kg 10 ahi hi. Russia pan in Israel gamdong custom officer te tax leh fee bangmah piak kul lo in kongciah pih Kham (gold) ahihi’ cihi.

Tua milim (statue) Russia pan apuak khiat a kipan akibang (akilaih na omlo) hi. Ahizongin tua milim tangthu “hih kua hiam?” (who is he) leh “hih bang hiam?” (what is this?) agen nabek hilaih hi. Mitampi ihkhem zawhciangin tua zuauthu pen thuman/dik hongsuak hi. Jeffrey Pau Do Lian