Pilna vs Veina ~ Sia Pauno

Pilna vs Veina ~ Sia Pauno

Pilna thupi mahmah a, Veina thupi zawlai hi. Ahoih penpen inbel, lah apil, lah aveite mah in semle muibun pen aa, ahizongin tuabang mi ding haksa hi. Pilna in launa tamsak a, Veina in launa beisak hi.

Pilna in minleza leh angsung hamphatna bulpuha, Veina in ken bang piakhia thei ding, cih bulphuh hi. Lah apil, lah avei i ngahzawh kei leh apil a veilo sangin a pilkholloh hang avei mah deihhuai zawtham hi.

Apil a, veilo mi i muankhak leh minleza leh hamphatna bek delh uh ahi manin haksat hunah makai neilo, hong panpih ding omlo kisuak hi.

Avei mi na muan le a pil kholloh hangin vei ahih manin athu ala akanna leh a sepna tungtawn in nate hong lemtoto ding hi. Vei ing cina pi in, a thu ala kannuamlo, sinnuamlo cih zonglah min deihna bek hizel hi.

Thuthei tam a, asem ngamtawm hi. Apilte in thei a, aveite bek in sem ngam hi. Apilte metna ding mun bekah hong kidok uh a, a veite haksak hun sungah zong hong dok veve uh hi.

Apilte in ama hamphatna ding ahihnak leh sepngamloh neilo a, aveite in ahihle avei mite supna ding bangmah semngamlo uh hi. Tua hi-a, veina i cih in itna tungah kilam hi-a, itna i cih pen Pasian kiang pan hong pai ahi hi. Sia Pauno # CCDI Speak Out, 2021/16

“Lungkim limlim ing”

Bangmah hihtheih, hihzawh nei hetlo himah taleng; Sia Khaibawi(Australia) in; “Thu na gen a, lai na ngelh ahizongin, video live streaming tawh na gen a Video clip bawlin na gen ahizongin na hihna khat peuhpeuh hoihtak na hih siamna thupi sa mahmah ing. Mi namdangte lak hileh no ,”skill” neite sum tampipi ngah ding himah le uh cin eimi sungah bel a thupina kimusiamlo in na hih ding mah uh, ahi ding mah in kituat lel in gimletawl leh hunbei thabei teng mah na lawhtak uh hi. Acihtam kei zongin na niangtui man ding,” ci in tuni Ks. 100,000/- (teng khat)hong khak hi. Sia Khaibawi a ding ka sepsak bangmah omnai hetlo bilbel hiven mataw.

Ahizongin skill nei cih min tawh sum ka ngah masak penpen ahih manin lungdam mahmah ing. Topa in tua dingmun ahitakpi dingin hong siam henla, Topa minthanna hidenta hen. Amin manglo dingin ka kisap mahmah Microlab khat leh Note Stand khat leina pah ing.

Ken bel hihsiamna(skill) bangmah neinai het keng, ahizongin Zomi sungah hihsiamna(skill) nei, i gen thu akibang veve, agensiam deuh, i sak la kibang veve a sasiam deuh, a gelh lai, a thu kibang veve a gelhsiam deuh cihte akipan i hihthei citciatte sung pan in ahihsiam deuh(skill full), Pasian in hong piak mi tampi om ding hi. Tuabang in i minam sungah Pasian in hihsiam deuhna (skill) apiakte i zatsiam ding leh i thupi simtheih ding bel apiapa Pasian in zong deihzaw ngel ding hi.

Sia Khaibawi, Topa in thupha hong piaksak semsem henla, ama le asuan akhakte sungpan in hihsiamdeuhna(skill) nei, mite sanga asiamzaw tate, tute hong piaksak ta hen, Amen. Sia Pauno # CCDI Speak Out, 2021/15