Israel leh Hamas kidona nasia semsem
A beisa ni 2 sung Monday ni leh Tuesday ni bekbekin Hamas te in Isreal gam sungah Rocket tangpi tang 1000 val tawh kap uh hi, cih kiza hi. Rocket te pen Isreal te thautang dalna Iron Dome in za ah 90 val (90%) vanlaizang ah kapkhiatsak pahpah a, a kapkhiat khak loh a lengsuak pawlkhat om ahih manin Israel mi 4 leh Aram mi 1 in Israel gam sungah sihlawh hi, ci hi.
Palestine gam sung pan hi bangin Hamas te in rocket tangpi tampi tawh Israel a kapna hangin Israel Defense Force te in galvanleng tawh Hamaste phualpi teng banzial pah ngekngek a, Hamas Makaipi pawlkhat leh naupang 13 kihelin mi 48 si hi, ci hi.
Hih kidona tawh kisai-in UN lamte lunghimawh mahmah uh a, galkidona a suksiat semsem lohna dingin lang nih kikemsiam dingin ngen uh hi. Himah leh Israel Prime Miniter Naytanyahu in, “Hih pen a kipatna hi pan thei kha ding hi,” cih san hi. Tutung kidona pen 2014 khit zawh anasia pen hi, ci-in kigen hi.
Related: Rafi Eitan, Israel te thukan siam, Adolf Eichmann, aman zopa kum 92 in si
Hih buaina hong kipatna pen nungkalin Muslimte adingin mun siangtho pen 3 na lah hi, Israel te adingin mun siangtho pen leh thupi pen mun a om Muslim biakinn Al-aqsa mosque pan ahi hi. Buaina a nasiat pian ciangin Israel palikte in khauh takin Muslim mipi tungah gamta uh ahih manin Hamaste in rocket tawh hi bangin nipi khuavakni pan Israel gam sung kap ding hong kipan uh ahi hi. Src: Daily Mail/ Tedim Post
Comment piaknop aomleh...