Pian’zia mihing namnih te ~ Lengtong Pauno

Pian’zia mihing namnih te ~ Lengtong Pauno

Ikhuasung iveengsung bek ah zong, aneutuungpan aa pat nulepa ute siate’ thu amang hiathiatmi om a, nengcilik zong thu amang vetlomi om hi. Pian’thakna thu igam ikhua hongtun’ ciangin, thuman’lohna gitlohna guuktaakna numei uukna thaiikapna zudawnna teeplemuam zatna tuamtuamte nusia a, kikheel a nuntakding hongki hanthawn hi.

Tuahi a, aneutuungpan siatna akici akhoihkhavetlo tepawlin mun hongngah mah mah uha, misialokhat ahihna tawh pawlpi upa hongsem uh hi. Laisiangtho sangkahin degree ngah uh ahihmanin pawlpi Sia(Pastor) hongsuak uh hi.

Laisingtho Luka 15:7. ah, Zeisu in: ”Kisiikna aki samhlo, tuu 99 te sangin, kisiik a aki kheel tuu khatbek hangin, vantungah. lungdamna omzaw hi” ci hi.

Luka 15:11 – 32. sunga, tapa taimang pa’ upa tepawldan mihoihnam leh tapa taimang pa dan misianam ci in, pian’zia mihing namnih thu agen hi hangh. Mihoih sang’… misia in Pasian maipha muzaw hi. Kagennopdan atelsiam dingin Topa’n thupha hongpia ကြက်သားဟင်း။ Ka lungdam, Munkhai’pa

KA SINLUNGSUAK THU KHAT

Pasian lama ahat veva kahihloh hangin, Pasianlo tawh bangmah akiploh, akholoh, ataangtun’loh lam theihcihtak leh sinzatam in katel hi.

Tua hi a, tulai khangthak khangno mipil misiam, Gam le Nam makai dinga hong kipan te’n, nambat 1.na ah Pasian hong koih tangtangh un. Pasianmah Suutpi(foundation) in hong nei un.

Gamlenam makaiding khangno mipil micim mitei’ minavaak ka muhkhak khatin, Pasian thupisak masa sahetlo kahih manin, ka lungnuam theilo a, hong imkhiakhialkhakhong kai’ ve maw. Zomite hong a’ngvaan’den ka Pasian aw,hongseem ta in. Ka lungdam, Munkhai’pa

SINLAI GUH LING BANG DO E…

ZRC te’ vaihawmna tawh, tuni 14th Dec 2017, Thursday, 11am – 3pm in, Zomi damlote’ ading thungetna hun kinei a, akihelkha khempeuh,itna, hehpihna, khualna khitui luang kim hi.

Damlote kong cihziau hangin, tuni a adamlote pen, akicing mihing ngeina ahilo a apiangte ahi hi.

Tuni thungetsak khuate, Tongsial… tate2, Phaiza taneu1, Khampat No1. taneu1, Taingen 1, Teeklui tangval1, Thangnuai tanuno1…cihteng hi a, kep le huai le don le khoi akulden, amau le amau anungta khuasa theilo, mihing 14. bang om hihangh ci in Sia Naa Nangin gen hi. Amau teng kamuhciang, acidam athahat mahmah kahihlam kakiphawk liang hi.

Pasian ka um hi. Zeisu ka it hi…acici Zomi tul 20. bang aomlai te’n, imi isa damlo, gualbaanlo, zawngkhaal 14. te donzokei lehang i upna zong amawkna hiding hi. Zakoh alian 2 sunga ”Gamtatna omlo upna in asi ahi hi” icihcih pen hihte higige zaw hi.

Tua hi a, ingaihsut theiha, ilungluttek leh, Lungdambawlni bangin, Gualbanlo,damlo te’ ading bang Zomi pawlpi ciat ah, sumpi ki donsak leh ci ngaungau ing. Sinlai guhling bang do e…ameel uh ka muhciang… Luankhituigial bang kia e…ka huhzawhloh hang… Ka lungdam, Munkhai’pa